ԱՄՆ նախագահ Դոնալդ Թրամփը ստորագրել է օրենք, որը կոչված է աջակցել Հյուսիսային Կորեայում մարդու իրավունքների պահպանմանն ու ազատությունների պաշտպանությանը։ Այս մասին, ՏԱՍՍ-ի փոխանցմամբ, ասվում է ԱՄՆ նախագահի հայտարարության մեջ, որը Սպիտակ տունն է տարածել։
«Այսօր ես օրենք եմ ստորագրել, որը ուղղված է Հյուսիսային Կորեայում մարդու իրավունքների պահպանմանն ու ազատությունների իրականացմանը»,- ասվում է փաստաթղթում;
«Այս նախաձեռնությունը, որը մինչ այդ աջակցել էր ԱՄՆ Կոնգրեսը, երկարացնում ու ընդլայնում է համարժեք օրենքի գործողությունները, որը 2004-ին էր ընդունվել։ Ինչպես և դրա նախորդը՝ այս օրենքը նույնպես պարունակում է մի շարք դրույթներ, որոնք կարող են մեկնաբանվել որպես պահանջ նախագահի հանդեպ, ընդունել ԱՄՆ-ի որոշակի արտաքին քաղաքականությունը Փհենյանի հանդեպ կամ էլ բանակցություններ վարել օտարերկրյա կառավարությունների ու միջազգային կազմակերպությունների հետ»,- նշել է Թրամփը։