Heritage Auctions աճուրդում վաճառքի են դնելու Լուսնի վրա առաջինը ոտք դրած մարդու՝  ամերիկացի տիեզերագնաց Նիլ Ամսթրոնգի անձնական հավաքածուն, հայտնում է ՌԲԿ-ն։

Նշում են, որ իրերն աճուրդի են դրվելու նոյեմբերի սկզբին, իսկ հետո նաև 2016-ի մայիսին ու նոյեմբերին։ Գնորդները կկարողանան ձեռք բերել բոյսկաուտի գլխարկը, որը պատկանում էր Արմսթրոնգին, ու Պերդյու համալսարանի դրոշը, որտեղ սովորել էր տիեզերագնացը։ Այդ իրերը, նաև Flyer  օդանավի բեկորները տիեզերագնացն իր հետ Լուսին էր տարել։

Նաև աճուրդի են դրվելու ԱՄՆ, ՄԱԿ-ի, ամերիկյան նահանգների դրոշները ու արծաթե կոպեկներ, որոնք թողարկվել էին ամերիկյան «Ապոլլոն» տիեզերական ծրագրի հիշատակին։ Հատուկ լոտ է դառնալու տիեզերագնացի հավաքածուից մի հազվագյուտ ոսկե մետաղադրամ։