News
Լրահոս
News
Երկուշաբթի
Հոկտեմբեր 22
Տեսնել լրահոսը


Յուրաքանչյուր հայ պետք է գիտակցի Հայաստանի առջեւ բացված եզակի հնարավորությունը: Այս մասին, ԱՄՆ կատարած իր այցի ժամաակ հայտարարել է Հայաստանի առաջին փոխվարչապետ Արարատ Միրզոյանը, հաղորդում է «Ամերիկայի ձայնը»

«Երեւանում, կառավարությունում, թե որեւէ մասնավոր տանը, թե Վաշինգթոնում, թե Փարիզում, թե Տոկիոյում որտեղ հայ կա, մենք պետք է բոլորս քաջ գիտակցենք եւ հսկայական պատասխանատվություն ունենանք այն հնարավորություն համար, որը ստեղծվել է Հայաստանի համար: Ես վստահ եմ՝ գերագնահատած չեմ լինի, եթե ասեմ՝ բացառիկ հնարավորություն ունենք հայ ազգի զարգացումն ապահովելու համար՝ Հայաստանում ու սփյուռքում»,-ընդգծել է նա:

Միրզոյանի խոսքով, Հայաստանի զարգացման համար ՀՀ կառավարությունն ակնկալում է առաջին հերթին ՀՀ քաղաքացիների, բայց նաեւ բոլոր հայերի աջակցությունը՝ Տոկիոյից մինչեւ Գլենդել:

«Արարատ Միրզոյանի այցը շատ հաջող էր եւ անցավ հայ-ամերիկյան հարաբերությունների համար չափազանց կարեւոր պահի»,-ասել է Հայ դատի Վաշինգթոնի գրասենյակի ղեկավար Արամ Համբարյանը:

Իսկ Ամերիկայի հայկական համագումարի Վաշինգթոնի ներկայացուցչությունը ղեկավար Բրայար Արդունին նշել է, որ այցը օգնեց ամրապնդել ինչպես Հայաստան-ԱՄՆ, այնպես էլ Հայաստան-Սփյուռք հարաբերությունները:

Արարատ Միրզոյանը նշել է, որ Վաշինգթոնում իր հանդիպումների ընթացքում ամերիկյան օրենսդիր ու գործադիր իշխանության ներկայացուցիչներին պարզ հաղորդագրություն է փոխանցել. «Այն ինչ կկատարվի Հայաստանի հետ՝ լինի հաջողություն, թե ձախողում, դա չի լինի միայն մեր քաղաքական թիմի հաջողությունը կամ ձախողումը, նաեւ չի լինի միայն Հայաստանի հաջողությունը կամ ձախողումը: Դա լինելու ժողովրդավարության եւ ժողովրդավարական արժեքները փորձաքննությունը, հաջողությունը կամ ձախողումն աշխարհում: Բոլոր այն վարչակազմերը, որոնք հավատալով կամ ոչ հռչակում են իրենց ժողովրդավարության պաշտպան, չունեն այլ այլընտրանք, քան կանգնել ՀՀ նոր կառավարության կողքին ու պաշտպանել ժողովրդավարությունը Հայաստանում»:

Վաշինգթոնում Համաշխարհային բանկում աշխատող Տիգրան Փարվանյանը, ով նախկինում բողոքի ակցիաների է մասնակցել ՀՀ դեսպանատան առջեւ, ՀՀ առաջին փոխվարչապետին նշել է, որ Արարատ Միրզոյանին առաջարկել է մեխանիզմներ մշակել, որոնք թույլ կտային արտերկրում աշխատող հայ մասնագետներին իրենց գիտելիքները ներդնել Հայաստանի զարգացման մեջ:

!
Այս նյութը հասանելի է նաև   English and Türkçe
Տպել
Կարդացեք նաև
Ամբողջը
Հայոց ցեղասպանությունը պատմական փաստ է. Ռուդոլֆ Ջուլիանի
Ես ճանաչում եմ Հայոց ցեղասպանությունը…
Ռուդոլֆ Ջուլիանին հարգանքի տուրք է մատուցել Հայոց ցեղասպանության զոհերին (ֆոտո)
Նա այցելել է Ցեղասպանության Ինստիտուտ-թանգարան…
Ցավոք Միացյալ Նահանգների հետ մեր շփումներն այդքան էլ ինտենսիվ չեն. Նիկոլ Փաշինյան
Մեր հարաբերությունները եւ իմ անձնական հարաբերությունները մեր գործընկերների հետ...
Ջոն Բոլթոնի այցը Հայաստան շատ էական է. Զոհրաբ Մնացականյան
Բոլթոնը գալիս է Ռուսաստան, գալիս է տարածաշրջան, եւ մենք ունենք մեր օրակարգը ԱՄՆ–ի հետ...
Բոլթոնը հոկտեմբերի 24–ին կայցելի Ադրբեջան, ապա Հայաստան
Կքննարկվեն տարածաշրջանային հարցեր…
ԱՄՆ Պետքարտուղարության ներկայացուցիչը ներկայացրեց Հայաստանում ամերիկյան ներդրումների համար պայմանները
Ամերիկացի գործընկերները կաշխատեն հայերի հետ այն ոլորտներում, որտեղ նրանք ցանկանում են մեզ հետ աշխատել…
Ամենաշատ
Partner news