News
Լրահոս
News
Երկուշաբթի
Հոկտեմբեր 22
Տեսնել լրահոսը

2018 թվականի փետրվարի 15-ին Շենգավիթ վարչական շրջանի դատախազությունից ՀՀ ՔԿ ԵՔՎ Շենգավիթ վարչական շրջանի քննչական բաժին է ուղարկվել քաղաքացու կողմից Շենգավիթ վարչական շրջանի դատախազին հասցեագրված դիմումը՝ Երեւան քաղաքի թիվ 46 դպրոցի նախկին տնօրեն Ա. Հ.-ի կողմից պաշտոնեական լիազորությունները չարաշահելու, անօրինականություններ եւ յուրացումներ կատարելու վերաբերյալ:

Դատախազությունից NEWS.am-ին հայտնում են, որ նյութերի նախապատրաստման ընթացքում կատարված ծավալուն քննչական եւ դատավարական այլ գործողությունների, օպերատիվ-հետախուզական աշխատանքների արդյունքում փաստական տվյալներ են ստացվել այն մասին, որ Երեւանի թիվ 46 միջնակարգ, այնուհետեւ ավագ դպրոցի նախկին տնօրենը 2010թ. հունվարից մինչեւ 2017թ. փետրվարն ընկած ժամանակահատվածում ձեւականորեն որպես հիշյալ կազմակերպության աշխատողներ՝ ֆիզպատրաստականության ուսուցիչ, գիշերային պահակ, հնոցապան,  ձեւակերպել է իր 3 որդիներին:

Եվ աշխատողների աշխատաժամանակի հաշվառման տեղեկագրում ֆիքսելով, թե իբր նրանք հաճախել են դպրոց եւ կատարել աշխատանքային պարտականությունները՝ ավելի քան 7 տարի որպես ամենամսյա աշխատավարձ նրանց անունով փոխանցված խոշոր չափերի՝ ընդհանուրը 7.651.346 ՀՀ դրամ գումարը կանխիկացրել ու յուրացրել է:

Նշված հանցավոր արարքները կատարելու համար հուլիսի 21-ին Ա.Հ.-ին մեղադրանք է առաջադրվել ՀՀ քրեական օրենսգրքի 179-րդ հոդվածի 3-րդ մասի 1-ին կետով: Նրա կողմից հատուցվել է պետության պատճառված վնասից 4.200.000 ՀՀ դրամը՝ պատրաստակամություն հայտնելով փոխհատուցելու նաեւ մնացած մասը: Հաշվի առնելով այս հանգամանքը՝ դպրոցի նախկին տնօրենի նկատմամբ որպես խափանման միջոց է ընտրվել ստորագրություն չհեռանալու մասին:

Նախաքննությունը շարունակվում է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հրդեհ է բռնկվել ԱԺ նախկին պատգամավոր «Թոխմախի Մհերին» պատկանող տանը
Ժամը 16:30-ի սահմաններում Արտակարգ իրավիճակների նախարարության...
Առաքել Մովսիսյանի (Շմայսի) 4 եղբայրները ՀՔԾ–ում հարցաքննվում են
Հիշեցնենք, որ հունիսին ԱԱԾ-ն Առաքել Մովսիսիյանի բնակարան էր այցելել...
«Արթիկ» ՔԿՀ–մոտ կասկածելի փաթեթ են թողել. պարունակությունն ուղարկվել է փորձաքննության
Ծխախոտատուփերի մեջ առկա են եղել 1,16 գրամ ընդհանուր քաշով...
ԱԱԾ–ն բերման է ենթարկել Առաքել Մովսիսյանի (Շմայսի) 4 եղբայրներին
Նա նշեց,որ այլ մանրամասներ չգիտի...
Երեւանում քաղաքացին շինարարական աշխատանքներ կատարելիս բարձրահարկ շենքից ընկել է եւ մահացել
Դեպքի վայր է մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ…
Թուրքիայում փախուստի դիմած զինվորը պատանդ է վերցրել առեւտրի կենտրոնի աշխատակիցներին
Անվտանգության ուժերը զինված զինծառայողի հետ բանակցություններ են վարում, որպեսզի նա պատանդներին ազատի եւ ինքն էլ հանձնվի…
Ամենաշատ
Partner news