Կիրակի Իրանի արեւմուտքում Քերմանշահ նահանգի Թազեհաբադ բնակավայրի շրջանում տեղի ունեցած երկրաշարժի հետեւանքով տուժել է առնվազն 20 մարդ: Այս մասին հայտնում է «Սինհուա» գործակալությունը:
Գործակալության տեղեկություններով՝ ստորգետնյա ցնցումների էպիկենտրոնը գտնվել է Քերմանշահ քաղաքից 76 կմ արեւմուտք եւ Բաղդադից 211 կմ հյուսիս-արեւելք: Աղետի օջախը գտնվել է 10 կմ խորությամբ:
Կիրակի ավելի վաղ 4,6 եւ 5,4 մագնիտուդով երկու երկրաշարժ էր տեղի ունեցել Իրանի հարավում: Այդ ցնցումներից հետո տեղեկություններ չեն ստացվել տուժածների եւ ավերածությունների մասին: