Կուբայի պետխորհրդի եւ նախարարների խորհրդի ղեկավար Միգել Դիաս Կանելը կիրակի օրը 1960-ականների սկզբից գործող ԱՄՆ տնտեսական էմբարգոները համեմատել է «Դինոզավրի» հետ, փոխանցում է «ՌԻԱ Նովոստի»–ն։
«Քիչ թեմաներ են մնացել խոսակցությունների համար, բայց շատ բան կատարելու, շտկելու եւ ստեղծելու համար։ Հեշտ չի լինելու, քանի որ մեր զարգացման գլխավոր խոչընդոտը մնում է շրջափակումը, որը շարունակվում է ինչպես Մոնտերասոյի «Դինոզավրը»,–հայտարարել է Դիաս Կանելը։
Գվատեմալացի գրող Աուգուստո Մոնտերասոյի «Դինոզավր» պատվածքը համարվում է համաշխարհային գրականության մեջ ամենակարճը եւ մեկ նախադասությունից է բաղկացած. «Երբ նա արթնացավ, դինոզավրը դեռ այնտեղ էր»։
