Ճապոնիայում աննախընթաց շոգ է գրանցվել՝ Տոկիոյից ոչ հեռու օդի ջերմաստիճանը հասել է ռեկորդային կետի՝ 41.1 աստիճանի։ Այս մասին հաղորդել է երկրի օդերեւութաբանության գլխավոր վարչությունը, փոխանցում է «ՌԻԱ Նովոստին»։
Ռեկորդային ջերմաստիճանը գրանցվել է երկուշաբթի Սայտամա պրեֆեկտուրայի Կումագայա քաղաքում։ Իշխանությունները նախազգուշացրել են բնակիչներին ջերմային հարվածի վտանգի մասին, որի զոհ 2 օր առաջ դարձել է առնվազն 11 մարդ։
Նախկինում Ճապոնիայում ամենաբարձր ջերմաստիճանը հասել էր 41 աստիճանի՝ 2013 թվականի օգոստոսի 12-ին Կոտի պրեֆեկտուրայի Սիմանտո շրջանում։