Անհայտ անձինք Բեռլինում՝ քաղաքային էլեկտրականության կայանի մոտ հրկիզել են անօթեւան 2 տղամարդկանց եւ փախչել դեպքի վայրից, հայտնում է Bild–ը։
Միջադեպը տեղի է ունեցել կիրակի ուշ երեկոյան Շյոնեւայդե կայանի մոտ՝ Բեռլինի Տրեպտով Կյոպենիկ շրջանում։ Հանցագործները 47–ամյա եւ 62–ամյա անօթեւան տղամարդկանց եւ նրանց իրերին դյուրավառ հեղուկ են լցրել եւ այրել։ Հարձակումը նկատել են դիմացի խորտկարանից, ականատեսները ոստիկանություն են կանչել։ Խորտկարանի այցելուները վերցրել են հրաշիջման հարմարանքը (огнетушитель) եւ օգնել նրանց։
Տուժողներին տեղում օգնություն են ցուցաբերել, ապա տեղափոխել են հիվանդանոց։ Հարձակման շարժառիթն անհայտ է, գործի է անցել սպանության գործերի հետաքննության հանձնաժողովը։