Ես իսկապես չգիտեմ, թե ինչու Պավլիկ Մանուկյանը նման հայտարարություն արեց դատարանի դահլիճում, դա բոլորի համար անակնկալ էր: Այս մասին NEWS.am-ի հետ զրույցում նշեց «Հիմնադիր խորհրդարանի» անդամ Ալեք Ենիգոմշյանը՝ անդրադառնալով «Սասնա ծռերի» դատավարության ժամանակ Պավլիկ Մանուկյանի սենսացիոն հայտարարությանը:
Հիշեցնենք, որ Պավլիկ Մանուկյանը դատարանում հայտարարել էր, որ ոստիկանության ՊՊԾ գնդում կրակոցը ոչ թե Արմեն Բիլյանն է արձակել, ում մեղադրում են ոստիկանի սպանության մեջ, այլ Էդվարդ Գրիգորյանը, իսկ Մխիթար Ավետիսյանը բացել է բանկոմատը:
«Քանի որ սա շատ նուրբ հարց է, մարդկանց մեղադրանքի, զոհված մարդու հետ է կապված, կան մութ հարցեր, ես ձեռնպահ եմ մնում որեւէ կերպ դա մեկնաբանելուց»,-ասաց Ենիգոմշյանը՝ հավելելով, որ նման հայտարարությունը դեռ չի նշանակում, որ պառակտում կա «Սասնա ծռերի» մեջ:
Ավելի վաղ NEWS.am-ը հայտնել էր, որ «Սասնա ծռեր» խմբի գործով Պավլիկ Մանուկյանն հուլիսի 18-ին, «Սասնա ծռերի» գործով աղմկահարույց բացահայտում էր արել. Նա հայտարարել էր, որ պատահական կրակոցը ոչ թե Արմեն Բիլյանն է արձակել, ում մեղադրում են ոստիկանի սպանության մեջ, այլ Էդվարդ Գրիգորյանը, իսկ Մխիթար Ավետիսյանը բացել է բանկոմատը:
Ավելի ուշ Էդվարդ Գրիգորյանն ու Մխիթար Ավետիսյանն ասել են, որ Պավլիկ Մանուկյանը սխալ ինֆորմացիայի է տիրապետում, իսկ «Սասնա ծռերից» Վարուժան Ավետիսյանը էլ դատարանի դահլիճում հայտարարել էր, որ դա ոչ թե «Սասնա ծռերի», այլ միայն Պավլիկ Մանուկյանինը:
- Պավլիկ Մանուկյանի աղմկոտ բացահայտումը. Կրակոցն արձակել է Էդվարդ Գրիգորյանը, իսկ բանկոմատը բացել է Մխիթար Ավետիսյանը
- Թե Պավլիկն ինչ է ասել, դա հարցական է. «Սասնա ծռերի» անդամ Աշոտ Պետրոսյան
