Ըստ ոստիկանության օպերատիվ հաղորդագրությունների ամփոփագրերի` հուլիսի 20-ից 23-ը ՀՀ ոստիկանության տարբեր ստորաբաժանումների կողմից բացահայտվել է հանցագործության 110 դեպք։
Մասնավորապես՝ մարմնական վնասվածք հասցնելու 34, խարդախության 16, անձնական ունեցվածքի գողության 11, կողոպուտի եւ պաշտոնեական լիազորությունների չարաշահման 6-ական, յուրացման կամ վատնման 5, անձի առեւանգման 4, պաշտոնեական կեղծիքի կամ անփութության 3, բնակարանային գողության, թմրամիջոցի հայտնաբերման, ապօրինի ծառահատման եւ կաշառակերության 2-ական, բռնաբարության կամ բռնաբարության փորձի, շորթման, գույքի դիտավորությամբ ոչնչացման, խուլիգանության, ապօրինի կամ կեղծ ձեռնարկատիրության, համակարգչային հանցագործության ու զենք-զինամթերքի առգրավման 1-ական դեպք։
Գրանցվել է զենք-զինամթերքի կամավոր հանձնման 2 դեպք։
Նախկինում կատարված հանցագործություններից բացահայտվել է անձի առեւանգման, անձնական ունեցվածքի գողության եւ կողոպուտի 1-ական դեպք:
Անցած 3 օրվա ընթացքում հանրապետությունում արձանագրվել է ճանապարհատրանսպորտային 34 պատահար, ինչի հետեւանքով 4 մարդ զոհվել է, 57-ը՝ ստացել տարբեր աստիճանի մարմնական վնասվածքներ: