Բելառուսի մայրաքաղաք Մինսկում օրերս գումարվել է ԱՊՀ բնական եւ տեխնածին արտակարգ իրավիճակների միջպետական խորհրդի 31-րդ նիստը, որին հայկական կողմից մասնակցում էր ՀՀ արտակարգ իրավիճակների նախարարության փրկարար ծառայության տնօրեն, փ/ծ գնդապետ Արտակ Նահապետյանը:
ԱԻՆ-ից NEWS.am-ին հայտնում են, որ Արտակարգ իրավիճակների կանխարգելման եւ վերացման միջպետական խորհուրդի աշխատանքներն նպատակ ունեն ԱՊՀ երկրների համագործակցության միջոցով հակազդել անդրսահմանային բնույթի արտակարգ իրավիճակներին:
Խորհրդի նիստի ընթացքում քննարկվել են անդամ երկրների՝ միմյանց ազդարարման պլան-ժամանակացույցը, ԱՊՀ բարձրագույն մարմինների կողմից համագործակցության վերաբերյալ ընդունված փաստաթղթերի իրականացման ընթացքը եւ այլ հարցեր:
Քննարկվել են նաեւ ԱՊՀ անդամ-պետությունների գիտության եւ բարձր տեխնոլոգիաների ոլորտներում գործող կազմակերպությունների գործունեությունը, որոնք նույնպես ներգրավված են իրավիճակներից բնակչությանը պաշտպանվելու գործում:
Ուսումնասիրվել են արտակարգ իրավիճակների կանխարգելման եւ վերացման ոլորտում անձնակազմի պատրաստվածության բարձրացմանն ուղղված աշխատանքները: