Ի տարբերություն Հայաստանի Հանրապետական կուսակցության՝ Երեւանի ավագանու առաջիկա ընտրություններին «Ծառուկյան» դաշինքը կանցնի, քանի որ կոալիցիայի անդամ է։ Այսպիսի տեսակետ հուլիսի 23-ին՝ լրագրողների հետ հանդիպմանը հայտնել է Կովկասի ինստիտուտի տնօրեն Ալեքսանդր Իսկանդարյանը։
Սրա հետ մեկտեղ, քաղաքագետը նշել է, որ հնարավորությունը մի բան է, իսկ հաջողության իրական շանսը՝ լրիվ այլ, եւ այդ հասկացությունները պետք է առանձնացնել։
«Ի տարբերություն այլ կուսակցությունների շանսերի՝ նոր կառավարությունը ունի բոլոր հնարավորությունները, որ զբաղեցնի բոլոր քաղաքական հարթակները»,– պարզաբանել է Իսկանդարյանը՝ հավելելով, որ հենց ՀՀ նոր իշխանությունները կորոշեն՝ եղած կուսակցություններից ում ընդգրկել ավագանու կազմում։
Սրա հետ մեկտեղ նա նկատել է, որ գործող իշխանությունների համար լուրջ խոչընդոտներ փաստացի չկան, քանի որ այն աջակցությունը, որ ունի ներկա իշխանությունը, մեկ այլ քաղաքական ուժ չունի։