News
Լրահոս
News
Հինգշաբթի
Օգոստոս 22
USD
475.94
EUR
528.1
RUB
7.2
ME-USD
0.13
Տեսնել լրահոսը

Արամ Խաչատրյանի «Գայանե» բալետը երեքշաբթի գրեթե 60 տարվա ընդմիջումից հետո կներկայացնեն Մոսկվայում Մեծ թատրոնի բեմում, այն կներկայացնի Ալ. Սպենդիարյանի անվան Օպերայի եւ բալետի ազգային ակադեմիական թատրոնը:

«Այս պատմությունը սկզբնավորվեց հայկական դեսպանատան խնդրանքից՝ Մեծ թատրոնի բեմում ցուցադրել մեր գործընկերների, Երեւանի բարեկամների ներկայացումը: Մենք երկար պայմանավորվում էինք հնարավոր տարբերակների շուրջ եւ հաճույքով համաձայնեցինք: Ամեն անգամ, երբ առաջանում է մեր բարեկամների, գործընկերների այցելության թեկուզ փոքր հնարավորություն, նրանց, ում մենք սիրում ու ճանաչում ենք, մենք հաճույքով ենք արձագանքում: Մեծ թատրոնը կջանա ամեն ինչ անել, որպեսզի հյուրախաղերը հաջող անցնեն»,- ցուցադրությանը նվիրված մամուլի ասուլիսում հայտարարել է Մեծ թատրոնի գլխավոր տնօրեն Վլադիմիր Ուրինը:

Ռուսաստանում Հայաստանի դեսպան Վարդան Տողանյանը հիշեցրել է, որ բալետը վերջին անգամ Մեծ թատրոնի բեմում հնարավոր է եղել տեսնել 57 տարի առաջ՝ 1961 թվականի փետրվարին. «Երբ մտածում էինք ինչպես Մոսկվայում նշենք մեր հանրապետության 100-ամյակը, միաձայն հանգեցինք այն եզրակացության, որ դա պետք է կապված լինի մեր մեծ հայրենակցի Արամ Իլյիչի անվան հետ: Դրանից բացի,  այս տարի նշվում է նաեւ Խաչատրյանի 115-ամյակը: Եվ մեր գործընկերները համաձայնեցին գալ»:

Դիրիժոր, Ալ. Սպենդիարյանի անվան Օպերայի եւ բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը հավելել է, որ մոսկվացիները բալետի հետ միասին կկարողանան տեսնել վառ, գեղեցիկ դեկորացիաներ եւ հագուստներ, որոնք վերականգնվել են ականավոր նկարիչ Մինաս Ավետիսյանի էսքիզներով:

Օրբելյանի խոսքով՝ Օպերայի եւ բալետի հայկական թատրոնը վերելք է ապրում, նախատեսված են մեծ թվով պրեմիերաներ եւ նոր բեմականացումներ. «Հաջորդ տարի կիրականացնենք «Անուշ» օպերայի նոր բեմականացումը: Եվ հնարավոր է, որ մենք այն մեկ տարի հետո այստեղ՝ Մոսկվա կբերենք: Այն այստեղ երբեք չի ցուցադրվել: հետաքրքիր կլինի»:

Հուլիսի 24-ին Մեծ թատրոնի բեմում ցուցադրվող ներկայացմանը կմասնակցեն Ալ. Սպենդիարյանի անվան Օպերայի եւ բալետի ազգային ակադեմիական թատրոնի Սիմֆոնիկ նվագախումբը՝ Կոնստանտին Օրբելյանի եւ Աթանես Առաքելյանի դիրիժորությամբ, թատրոնի բալետի խումբը: Առաջատար մենակատարներն են Ռուբեն Մուրադյանը, Սյուզաննա Փիրումյանը, Մերի Հովհաննիսյանը, Վահագն Մարգարյանը, Ռազմիկ Մարուքյանը:

«Գայանե» բալետը Հայաստանի Օպերայի եւ բալետի թատրոնի լավագույն ներկայացումներից մեկն է, որը 1974 թվականին ստեղծել է բալետմեյստեր, ժողովրդական արտիստ Վիլեն Գալստյանը, որը նաեւ լիբրետոյի հեղինակն է: Դասական պարի հարուստ զինանոցը բալետում համադրվում է հայկական ազգային պարին հատուկ առանձնահատկություններով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Դավիթ Տոնոյանը և Սերգեյ Շոյգուն կարեւոր պայմանավորվածություններ են ձեռք բերել ռազմական ծրագրերի իրականացման շուրջ
Քննարկվել են նաև տարածաշրջանային և միջազգային անվտանգության հարցեր․․․
ՌԴ պաշտպանության նախարարը նշել է Հայաստանի ներդրումը Սիրիայում իրավիճակի կարգավորման գործում
«Դա ահռելի աշխատանք է, որը չի կարող չնկատվել, եւ, անկասկած, իր ներդրումն ունի այդ տարածաշրջանում իրավիճակի կարգավորման գործում»...
Դավիթ Տոնոյանը մեկնել է Ռուսաստան. Նա կհանդիպի Սերգեյ Շոյգուի հետ
Դավիթ Տոնոյանը Մոսկվայում կմասնակցի «Միջազգային բանակային խաղեր-2019» մրցաշարի մասնակիցների պարգեւատրման…
ՀՀ քաղաքացու համար վերացվել է ՌԴ մուտք գործելու արգելքը․ ՄԻՊ-ի Մոսկվա կատարած այցի արդյունքները
Մոսկվայում տեղի ունեցած քննարկմանը մասնակցել է նաեւ Ռուսաստանի Դաշնությունում Հայաստանի արտակարգ եւ լիազոր դեսպան Վարդան Տողանյանը...
Համագործակցության նոր ձեւաչափ․ ՀՀ եւ ՌԴ օմբուդսմանները քաղաքացիների ընդունելություն են իրականացնում
Պաշտոնական հաղորդագրությունը՝ առաջիկայում...
ՄԻՊ-ն իր ռուս գործընկերոջ հետ քննարկում է ՌԴ-ում արտագնա աշխատանքի մեկնած մեր հայրենակիցներին հուզող հարցերը
Այս քննարկումն արտահայտում է Մարդու իրավունքների պաշտպանի արդյունավետ համագործակցությունը Ռուսաստանում Հայաստանի արտակարգ...
Ֆոտոռեպորտաժներ