Երուսաղեմում երկուշաբթի օրը 100 կիլոգրամ կշռող խոշոր քարը Լացի պատից ընկել է ընդհանուր աղոթքի համար նախատեսված հրապարակ, ոչ ոք չի տուժել։ Քարը ընկել եւ մասերի է բաժանվել տեղում աղոթող կնոջ կողքին, սակայն նրան վնաս չի պատճառել, փոխանցում է «ՌԻԱ Նովոստի»–ն։
Քաղաքապետարանի մամուլի ծառայությունը տարածել է Երուսաղեմի քաղաքապետ Նիր Բարկատի մեկնաբանությունը, որում նա, մասնավորապես, տեղի ունեցած հրաշք է համարում. «100 կիլոգրամ կշռող քարը ընկել է աղոթողի կողքին, սակայն ոչ ոք չի տուժել»,–նշված է մեկնաբանությունում։
Սրա հետ մեկտեղ քաղաքապետը իր մեկնաբանությունում հայտնում է իր մտադրության մասին՝ վարչապետի գրասենյակից պահանջել պատասխանատու ծառայությունների կողմից պարբերաբար ստուգումներ անցկացնել, որ կարողանան կանխել Պատի ավերումը եւ կրճատել նմանատիպ միջադեպերի ռիսկերը։ Այժմ աղոթքի ընդհանուր հրապարակի մուտքը փակ է։