Հուլիսի 21-ին, ժամը 11.25-ին, հիվանդանոցից ոստիկանության Տաշիրի բաժնում ահազանգ է ստացվել, որ «որովայնի ծակած-կտրած վերք» ախտորոշմամբ իրենց մոտ է տեղափոխվել 1963 թ. ծնված Մեսրոպ Է.-ն:

Պարզվել է, որ նույն օրը, ժամը 11.05-ի սահմաններում, ոստիկանության Տաշիրի բաժնի ծառայողներից մեկն իր ավտոմեքենայով Տաշիր քաղաք մեկնելիս Նորաշեն գյուղի Դեմիրճյան փողոցի 63 հասցեի դիմաց` ճանապարհին, նկատել է մարմնական վնասվածք ստացած Մեսրոպ Է.-ին, որին իր մեքենայով տեղափոխել է հիվանդանոց: Մեսրոպ Է.-ն հայտնել է, որ հարեւան Ռազմիկը դանակով հարվածել է իրեն:

Մեկնած օպերատիվ խումբը, դանակահարության կասկածանքով, Ռազմիկ Է.-ին բերման է ենթարկել բաժին: Խուզարկությամբ նրա մոտից հանցագործության գործիք դանակը հայտնաբերվել եւ վերցվել է:

Նույն օրը ՀՀ քրեական օրենսգրքի 112 հոդվածի 1-ին մասով հարուցվել է քրեական գործ:

Ձեռնարկված օպերատիվ-հետախուզական միջոցառումների եւ քննչական գործողությունների շնորհիվ պարզվել է, որ հուլիսի 21-ին, ժամը 11.00-ի սահմաններում, Նորաշեն գյուղի Կ.Դեմիրճյան փողոցի թիվ 57 հասցեի դիմաց, վիճաբանության ժամանակ, Ռազմիկ Է.-ն խոհանոցային դանակով հարվածել է Մեսրոպ Է.-ի որովայնին՝ պատճառելով մարմնական վնասվածք:

Նշանակվել է ԴԲՓ:

Նույն օրը, ժամը 16.10-ին, հիվանդանոցից ոստիկանության Տաշիրի բաժնում հաղորդում է ստացվել, որ ժամը 16.00-ին «աջ ծնկահոդի շրջանի, ձախ քունքաճակատային շրջանի սալջարդ, քերծված վերքեր, ձախ ձեռքի փափուկ հյուսվածքների սալջարդ» ախտորոշմամբ իրենց մոտ է տեղափոխվել 1963 թ. ծնված Արկադի Է.-ն:

Պարզվել է, որ հուլիսի 20-ին, ժամը 21.00-ի սահմաններում, վիճաբանության ժամանակ, Ռազմիկ Է.-ն բռունցքներով բազմաթիվ հարվածներ է հասցրել Արկադի Է-ին` պատճառելով վնասվածքներ:

Նշանակվել է ԴԲՓ:

Ռազմիկ Է.-ն տվել է խոստովանական բացատրություն, ձերբակալվել եւ տեղափոխվել է Տաշիրի ՁՊՎ:

Կատարվում է նախաքննություն: