Գերմանիան եւ Իտալիան միգրացիոն ճգնաժամի լուծման որոնման ընդհանուր կամք են ցուցաբերել։ Այս մասին հայտարարել է Գերմանիայի արտգործնախարար Հայկո Մաասը Իտալիայի ԱԳ նախարար Էնցո Մոավերո Միլանեզիի հետ բանակցություններից հետո, հայտնում է «ՌԻԱ Նովոստի»–ն։
Մաասը շեշտել է, որ միաժամանակ «մենք ակնկալում ենք, որ ԵՄ բոլոր պետությունները հանձնառու կլինեն ընդունված պարտավորություններին, այդ թվում՝ Միջերկրական ծովում «Սոֆյա» առաքելության շուրջ պայմանավորվածությունների համատեքստում»։ Նախարարը հայտարարել է, որ Բեռլինը դրական է գնահատում այն փաստը, որ այդ կարեւոր առաքելությունը կարող է շարունակվել։