Իսրայելի վարչապետ Բենիամին Նեթանյահուն Երուսաղեմում հանդիպում է ՌԴ արտգործնախարար Սերգեյ Լավրովի եւ ՌԴ գլխավոր շտաբի պետ Վալերի Գերասիմովի հետ, փոխանցում է «ՌԻԱ Նովոստի»–ն։
Բանակցությունների հիմնական թեման Նեթանյահուն նախապես հայտարարել էր, այն է՝ Սիրիայում տիրող իրավիճակը, որտեղ ընթանում է կառավարական զորքերի հարձակումը Իսրայելի կողմից վերահսկվող տարածքների հարեւանությամբ։
Ռուսական եւ իսրայելական կողմերը նշում են, որ Լավրովի եւ Գերասիմովի այցը կտեւի մի քանի ժամ եւ մամուլի հետ «շփում» չի նախատեսվում: Իսրայելի վարչապետի խոսքով՝ ռուսական պատվիրակության ժամանման մասին պայմանավորվածությունը ձեռք է բերվել Ռուսաստանի նախագահ Վլադիմիր Պուտինի հետ վերջերս կայացած հեռախոսազրույցի ժամանակ: