News
Լրահոս
News
Չորեքշաբթի
Հունիս 26
USD
477.07
EUR
542.91
RUB
7.61
ME-USD
0.16
Տեսնել լրահոսը


Թեեւ իրավիճակը սահմանին կայուն է, սակայն պատերազմի պետք է սպասել յուրաքանչյուր վայրկյան: ՀՀ ՊՆ վարչական համալիրում ՀՀ եւ արտերկրի ռազմաուսումնական հաստատությունների 2017-2018թթ. ուսումնական տարվա շրջանավարտների ավարտական վկայականների հանձնման հանդիսավոր արարողության ժամանակ նշել է ՀՀ պաշտպանության նախարար Դավիթ Տոնոյանը:

«Մենք միշտ սպասում ենք ռազմական գործողությունների վերսկսմանը, ընդ որում, ոչ միայն Ադրբեջանի կողմից»,-նշեց նախարարը:

Դիտարկմանը, թե իր վերջին հարցազրույցը ընկալվեց որպես ուղիղ զգուշացում Ադրբեջանին, Տոնոյանն ասաց. «Ես բացի հայտարարություն անելուց, հիմք ունեմ մեր զինված ուժերի ոգու եւ պատրաստվածության վրա: Այն, ինչ վարչապետը եւ պաշտպանության նախարարը հայտարարում են, մենք անելու ենք դա»:

Ինչ վերաբերում է Նախիջեւանի ուղղությանը, Դավիթ Տոնոյանն ասաց. «Այնտեղ ադրբեջանական կողմը շարունակում է ինժեներական աշխատանքներ իրականացնել, ամրացնում են իրենց դիրքերը: Մենք միջոցներ ենք ձեռնարկում, որ չեզոքացնենք այդ գործողությունները»:

Նա հերքեց տեղեկությունները, թե Նախիջեւանի ուղղությամբ լարվածությունն աճել է. «Չկա այդպիսի բան, Զինված ուժերն այնպիսի գործողություններ են ձեռնարկել, որ չեզոքացրել են այդ մինչդիրքային տարածության կրճատումը»:

Հիշեցնենք, որ օրերս «EaDaily»-ին տված հարցազրույցում ՀՀ պաշտպանության նախարար Դավիթ Տոնոյանը հայտարարել էր. «2016 թ. ապրիլյան մարտերից հետո մենք առաջին հերթին ռազմական հետևություններ ենք արել: Ադրբեջանին թույլ չի տրվելու պահպանել իրավիճակի սրման տեղը, ժամանակը և մասշտաբը որոշելու մենաշնորհային իրավունքը: Հետևություններ են արվել նաև գործնական և մարտավարական մի շարք հարցերի շուրջ: Արդյունքում մենք իրականացրել ենք անհրաժեշտ փոփոխություններ այնպիսի ոլորտներում, ինչպիսիք են զորքերի տեղակայումը, մարտական խնդիրների իրականացումն առաջնագծում և սպառազինությամբ ու զինտեխնիկայով ապահովումը»:

Նա նշել էր, որ հայկական կողմը ինքը կարող է նախահարձակ լինել՝ կասեցնելու Ադրբեջանի ագրեսիվ գործողությունները:

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջը
1990-ականների սկզբին ԼՂ բնակչության ավելի քան 40 տոկոսը ենթարկվել էր էթնիկ զտման. Զոհրաբ Մնացականյանը՝ Ժնեւում
Երբ նույն բանը կրկնվում է 2016թ. ապրիլին՝ Արցախի դեմ ագրեսիայի ժամանակ՝ ի նշան քաջալերման, դա նույնպես Ադրբեջանի հասարակության համար մտածելու տեղիք է տալիս...
ԵԱՀԿ-ն դիտարկումը՝ Ակնայից դեպի հյուսիս-արևելք. ադրբեջանական կողմը առաքելությանը դուրս չի բերել իր առաջապահ դիրքեր
Արցախի Հանրապետության պաշտպանության բանակի դիրքերից դիտարկումն իրականացրել են ԵԱՀԿ գործող նախագահի անձնական ներկայացուցչի...
Ադրբեջանը կարող է օգտվել տարածաշրջանի ընդհանուր լարվածությունից. քաղաքագետ
Հայաստանում թերագնահատվում են լարվածության հնարավոր հետեւանքները տարածաշրջանում...
Ղարաբաղը պետք է մնա ամուր. Ռոբերտ Քոչարյան
Բավական լուրջ վտանգներ եմ տեսնում Ղարաբաղի հարցում եւ չեմ հասկանում, թե ինչպես կարելի է բանակցել առանց այդ բանակցությունների ռազմավարության, տեսլականի, թե ինչպես ես տեսնում հարցի լուծումը...
Ադրբեջանի ԱԳ նախարարի պնդումները չեն համապատասխանում իրականությանը․ Աննա Նաղդալյան
Ավելին, այն պնդումը, որ բանակցությունները կարող են հաջող ծավալվել զինադադարի կանոնավոր խախտումների պայմաններում, լրջագույն վնաս է հասցնում կարգավորման ուղղությամբ գործադրվող ջանքերին…
Կոնֆլիկտի հանգուցալուծման բանալին Արցախի ժողովրդի իրավունքների ճանաչումն է. Մնացականյանի ելույթը՝ ՄԱԿ-ում
Ցեղասպանության կանխարգելումը շարունակում է դիմակայել լուրջ մարտահրավերների․․․․