ԵԱՀԿ Մինսկի խմբի համանախագահներն առաջարկել են Հայաստանի եւ Ադրբեջանի արտաքին գործերի նախարարների հանդիպում անցկացնել։ Այս մասին NEWS.am-ին հայտնել է ՀՀ ԱԳՆ մամուլի քարտուղար Տիգրան Բալայանը։
Նրա խոսքով՝ ԵԱՀԿ Մինսկի խմբի համանախագահների կողմից առաջարկ է եղել Մնացականյան-Մամեդյարով նոր հանդիպում անցկացնել․ «Եթե համաձայնեցվեն հանդիպման ժամկետներն ու տեղը, մենք անպայման այդ մասին կհայտնենք»,-ասել է Բալայանը։
Հիշեցնենք, որ նախօրեին հայտարարել է Ադրբեջանի ԱԳ նախարարը այն մասին, որ սեպտեմբերին Հայաստանի եւ Ադրբեջանի ԱԳ նախարարներ Զոհրաբ Մնացականյանի եւ Էլմար Մամեդյարովի հաջորդ հանդիպումը կարող է կայանալ սեպտեմբերին: Հանդիպումը կարող է կայանալ սեպտեմբերին ՄԱԿ-ի Գլխավոր վեհաժողովի ժամանակ կամ նույնիսկ ավելի վաղ:
