ԱՄՆ նախագահ Դոնալդ Թրամփը Իլինոյս նահանգում Գրանիտ Սիթիում պողպատի արտադրության գործարանում ելույթ ունենալիս հայտարարել է, որ ՆԱՏՕ-ի անդամ երկրների առաջնորդների շարքում կա «մեկ կամ երկու դիկտատոր», հայտնում է The Washington Examiner-ը:
Թրամփը նշել է, որ «դիկտատորները» Միացյալ Նահանգների դաշնակիցներն են եւ աջակցել են պաշտպանական ծախսերը մեծացնելու իր կոչին:
«Նրանք թագավորներ են, թագուհիներ, նախագահներ, վարչապետներ եւ մեկ կամ երկու դիկտատոր»,- ՆԱՏՕ-ի 28 անդամ երկրների առաջնորդների մասին ասել է Թրամփը:
ԱՄՆ նախագահը չի հստակեցրել, թե դաշինքի երկրների ղեկավարներից ով է հատկապես դիկտատոր: