Համագործակցության եւ հաշտության հարցերով Կորեական ազգային խորհրդի նախագահ Կիմ Հոն Գիլը հայտնել է հետագա ապամիջուկայնացման պայմանների մասին: Նրա խոսքով՝ Փհենյանում սպասում են պատժամիջոցների թեկուզ մասնակի հանելուն, հայտնում է South China Morning Post պարբերականը:
Նա նշել է, որ ավելի վաղ Հյուսիսային Կորեան պնդում էր խաղաղ պայմանագրի կնքման մասին, սակայն հիմա խնդրում է հայտարարել Կորեական պատերազմի ավարտի մասին, եւ ցանկանում է, որ դա տեղի ունենա հնարավորինս արագ: Միայն դրանից հետո հնարավոր կլինի առաջ մղել ապամիջուկայնացման գործընթացը, հավելել է քաղաքական գործիչը: Փհենյանում կարծում են, որ բավականաչափ զիջումներ են կատարել եւ պատասխան գործողությունների են սպասում:
Ըստ որում՝ Կիմ Հոն Գիլը հավելել է, որ անհրաժեշտ է Պեկինին ընդգրկել պատերազմի ավարտի մասին հայտարարության պատրաստման եւ բանակցային գործընթացին: Նրա խոսքով՝ Չինաստանը կարող է միանալ խաղաղ բանակցություններին, որպեսզի կայունացնի ապամիջուկայնացման գործընթացը:
Դրանից բացի, Փհենյանը դժգոհ է Սեուլի տատանումներով՝ կապված տնտեսական պատժամիջոցները մեղմելու հետ եւ միջկորեական տնտեսական նախագծերի վերականգնման հարցում պասիվությամբ: