Կորեական Genesis ապրանքանիշի բարձրակարգ ավտոմեքենաները գլխավորել են իրենց մեքենաներից գոհ սեփականատերերի վարկանիշը: Այդ նպատակով JD Power հեղինակավոր գործակալության հետազոտողները հարցում են անցկացրել ամերիկյան 68 հազար ավտոսիրողների հետ, որոնք ստիպված են եղել իրենց մեքենաների տարբեր հատկանիշների վերաբերյալ 77 հարցի պատասխանել, հաղորդում է RG-ն:
Հարցումն անցկացվել է գնումից 3 ամիս անց: Արդյունքում, Genesis-ը 1000 հնարավոր միավորից 884 է հավաքել եւ պատմության մեջ առաջին անգամ գերազանցել է նախորդ առաջատարին՝ Porsche-ին: Այս ապրանքանիշը մեկ միավորով քիչ արդյունք է գրանցել եւ 2-րդ դիրքը գրավել: Երրորդ տեղում, ինչպես եւ մեկ տարի առաջ, BMW-ն է՝ 863 միավորով:
Տասնյակում հայտնվել են նաեւ Lincoln (861), Mercedes-Benz (858), Audi (853), Volvo (850), Cadillac (848), Land Rover (845) եւ Lexus (842) ապրանքանիշերը:
Ցուցակի վերջում հայտնվել են ավելի հայտնի ապրանքանիշերը՝Jeep (799), Mazda(798) եւ Mitsubishi (783):