Audi ընկերությունը որոշել է իր առաջին սերիական էլեկտրական քրոսովերը, որը կոչվում է E-Tron, ներկայացնել սեպտեմբերի 17-ին Սան Ֆրանցիսկոյի հատուկ միջոցառման ժամանակ: Մինչ այդ նորույթի դեբյուտը նախատեսված է օգոստոսի 30-ին Բրյուսելում, փոխանցում է Autonews.ru-ն:
Սակայն գերմանական ընկերությունը ժամկետը հետաձգել է՝ վկայակոչելով «կազմակերպական խնդիրները»:
Ապրանքանիշի մոդելային հավաքածուում E-Tron-ը տեղ կգրավի Q5-ի եւ Q7-ի միջեւ: Ավտոմեքենայի գլխավոր մրցակիցները կլինեն Jaguar I-Pace-ը եւ Tesla Model X-ը:
Ոչ պաշտոնական տեղեկություններով՝ ավտոմեքենան կարժենա մոտ 66 հազար եվրո: Մոդելի արտադրությունը կիրականացվի Բրյուսելի գործարանում, որտեղ կկազմակերպվի ոչ միայն մեքենայի հավաքումը, այլեւ բոլոր էլեկտրոնային բաղադրիչների արտադրությունը:
Ինչ վերաբերում է դիզայնին, ապա այն կրկնում է կոնցեպտուալ e-tron quattro-ին, որը ներկայացվել է 2015-ի աշնանը Ֆրանկֆուրտում: Մեքենայի երկարաությունը կազմում է 4,88 մետր, իսկ լայնությունը՝ 1,93 մետր: Բեռնախցիկի տարողությունն է 615 լիտր: Նորույթը կդառնա առաջին սերիական ավտոմեքենան, որը կողմնային հայելիների փոխարեն կօգտագործի հատուկ խցիկներ: