Մոսկվայում եւ Ռուսաստանի այլ խոշոր քաղաքներում համաձանեցված հանրահավաքներ են ընթացել ընդդեմ թոշակային տարիքի բարձրացման: Բողոքի ակցիաները կազմակերպել էր ՌԴ Կոմունիստական կուսակցությունը, փոխանցում է DW-ն:
Ամենազանգվածային ցույցը եղել է Մոսկվայում ակադեմիկոս Սախարովի անվան պողոտայում: Ըստ ՌԴ ՆԳՆ-ի՝ մասնակցել է 6,5 հազար մարդ: Մինչդեռ «Բելիյ սչյոտչիկ» նախագծում հայտարարել են, որ պողոտայում ցուցարարների թիվը հասել է 12 հազարի: «Ձախ ճակատ» շարժման համակարգող Սերգեյ Ուդալցովը, որը ելույթ է ունեցել հանրահավաքում, հայտարարել է, որ պողոտա է դուրս եկել 50 հազար մարդ:
Թոշակային բարեփոխման դեմ բողոքի ակցիաներ են ընթացել նաեւ Սանկտ Պետերբուրգում, Վլադիվոստոկում, Կրասնոյարսկում, Բառնաուլում, Խաբարովսկում, Նովոսիբիրսկում եւ Վլադիմիրում:
