Ֆրանցիսկոս պապն ընդունել է կարդինալ Թեոդոր Մաքքերիկի՝ Վաշինգթոնի նախկին եպիսկոպոսի եւ Կաթոլիկ եկեղեցու հայտնի առաջնորդներից մեկի հրաժարականը, հաղորդում է Ամերիկայի ձայնը:
Դա տեղի է ունեցել այն բանից հետո, երբ Մաքքերիկին մեղադրել են անչափահասների եւ երիտասարդենրի հանդեպ սեքսուալ բռնության մեջ:
Վատիկանը պաշտոնական հայտարարության մեջ հաղորդել է, որ Մաքքերիկը հրաժարականի մասին դիմումը ներկայաացրել է ուրբաթ երեկոյան: Հայտարարությունում նաեւ նշվում է, որ Ֆրանցիսկոս պապն արգելել է նրան մասնակցել որեւէ հանրային արարողակարգի եւ դուրս չգալ տանից այնքան ժամանակ, մինչեւ դատավարությունը չավարտվի:
Մաքքերիկը 88 տարեկան է, 2000-2006 թվականներին նա Վաշինգթոնի արքեպիսկոպոսն էր, իսկ 2001-ին դարձել է կարդինալ: ԱՄՆ-ում նա երկար ժամանակ Կաթոլիկ եկեղեցու հայտնի առաջնորդներից մեկն էր: