Լատվիայում ՀՀ դեսպանության (նստավայրը՝ Վիլնյուս) եւ Travelblog.lv-ի համագործակցության արդյունքում ստեղծված հաջողված աշխատանքը բացահայտում է Հայաստանը՝ իր ողջ հմայքով ու էությամբ։
Լատվայում ՀՀ դեսպանությունից NEWS.am-ին հայտնում են, որ իրենց գործընկերները Հայաստանի զբոսաշրջության պետական կոմիտեի եւ Radisson Blu Yerevan-ի աջակցությամբ մեկ շաբաթ շարունակ ֆիքսել են ամեն հնարավորն ու անհնարինը` հայկական մշակույթն ու արվեստը՝ իր ինքնատիպ ավանդույթներով, երգ-երաժշտությամբ, դարերի խորքից եկող ճարտարապետական կոթողները՝ մեր վանքերով, եկեղեցիներով ու խաչքարերով, հայկական լեռնաշխարհի չքնաշ բնապատկերները:
Այս ամենը տեսնելու եւ հասկանալու համար պետք է նայել ֆիլմը, իսկ վերապրելու եւ հայոց աշխարհի՝ տեսախցիկներից դուրս մնացած բյուրավոր գանձերը բացահայտելու համար պետք է այցելել եւ սեփական աչքերով տեսնել Հայաստանը:
