NASA-ն ընտրել է Մարսում տիեզերագնացների համար կացարաբ կառուցելու մրցույթի հաղթողներին, հաղորդում է «ՌԻԱ Նովոստին»:
Առաջին տեղը զբաղեցրել է Արկանզասից թիմը: Ըստ նրանց գաղափարի, ռոբոտները բնակարանների անհրաժեշտ ռեսուրսները կհավաքեն հենց Մարսում, որից հետո տունը հնարավոր կլինի 3D տպիչներով տպել: Հեղինակները պնդում են, որ այս տեխնոլոգիան հնարավորություն կտա մեծացնել շենքի մակերեսը, եւ դրա հետ մեկտեղ բնակիչների թիվը:
Հինգ լավագույն նախագծերի ստեղծողները միմյանց միջեւ կիսել են հարյուր հազար դոլար արժողությամբ մրցանակային ֆոնդը: Նրանց աշխատանքները հրապարակված են NASA-ի պաշտոնական կայքում:
Մրցույթը հայտարարվել էր 2014-ին, որին մասնակցում էին ողջ աշխարհից 8 թիմեր: Կազմակերպիչները հուսով են, որ մասնակիցները կկարողանան մարդկությանը ավելի մոտեցնել նոր մոլորակների գաղութացմանը: