2018 թվականի հունվարից հունիս Ուկրաինայի զինված ուժերից (ՈՒԶՈՒ) ազատվել են 11 հազար սպա եւ պայմանագրայիններ: Այս մասին հայտնում է Ukranian Military Pages-ը՝ վկայակոչելով երկրի պաշտպանության նախարարությանը:
Նշվում է, որ 2018-ի վերջին ՈՒԶՈՒ-ում կարող է չլինել եւս 18 հազար զինծառայող: Ազատվելու հիմնական պատճառը զինվորական ծառայության ցածր վարձատրությունն է:
Զանգվածային ազատումների պատճառով Ուկրաինայի ՊՆ-ն ստիպված էր որոշում ընդունել 2018-ի հոկտեմբերի 1-ից նվազագույն դրամական ապահովման բարձրացման մասին: 2018-ի երկրորդ կիսամյակում դրամական ապահովման վճարման համար կպահանջվի Ուկրաինայի բյուջեից հատկացնել 4,5 մլրդ գրիվնա: