ՄԱԿ գլխավոր քարտուղարի Սիրիայի հարցով հատուկ դեսպան Ստեֆան դե Միստուրան օգտակար է համարել երեքշաբթի անցկացված Սիրիայում հրադադարի երաշխավոր երկրների հանդիպումը սիրիական սահմանադրական կոմիտեի ձեւավորման հարցով: Այս մասին նա ասել է լրագրողներին, փոխանցում է ՏԱՍՍ-ը:
«Մենք սահմանադրական կոմիտեի ձեւավորման հարցով օգտակար հանդիպում անցկացրինք»,- ասել է նա:
Երեքշաբթի անցկացվում է Սիրիայի հարցով բարձր մակարդակով միջազգային հանդիպման երկրորդ եւ եզրափակիչ օրը:
Սահմանադրական կոմիտեի ձեւավորման համաձայնությունը ձեռք էր բերվել հունվարի 30-ին Սոչիում տեղի ունեցած Սիրիական ազգային երկխոսության կոնգրեսի արդյունքներով: Այս կառույցը դե Միստուրայի հետ միասին պետք է զբաղվի երկրի սահմանադրության մշակման համար առաջարկների նախապատրաստմամբ: Լինելու է 150 թեկնածու, որոնցից 100-ը ներկայացնում են կառավարությանը եւ ներքին (չափավոր) ընդդիմությանը, 50 թեկնածուն արտաքին ընդդիմությունից են: ՄԱԿ հանձնակատարը հանդես է եկել ապագա խորհրդակցական մարմնում 50 մարդուց ոչ ավելի ընդգրկելու օգտին: