Հայաստանը շարունակում է հետեւել Ադրբեջանին Սլովակիայից զենքի մատակարարման հետ կապված իրավիճակին: Այս մասին հուլիսի 31-ին կայացած ճեպազրույցի ժամանակ նշեց Հայաստանի ԱԳՆ մամուլի քարտուղար Տիգրան Բալայանը:
Նրա խոսքով՝ այս հարցը բարձրացվել է նաեւ ԵԱՀԿ շրջանակում: Ի պատասխան Ռուսաստանի, Բելառուսի կողմից Ադրբեջան զենքի մատակարարումների վերաբերյալ հարցին՝ ԱԳՆ մամուլի քարտուղարը շեշտեց, որ խնդիրը հայկական կողմի ուշադրության կենտրոնում է: «Սլովակիայից մատակարարումները միջազգային օրենսդրության խախտում են: Ինչ վերաբերում է մյուս երկրներին, ապա մեր հնարավորությունները սահմանափակ են, քանի որ ներգործության մեխանիզմներ չկան: Մենք պնդում ենք, որ Ադրբեջանին սպառազինության ցանկացած մատակարարում խնդրահարույց է՝ հաշվի առնելով նրա անկանխատեսելի պահվածքը եւ իր երկրում մարդու իավունքների խախտումները»,- նշեց Տիգրան Բալայանը: