Ճապոնիայի Հոնսյու կղզու հյուսիս-արեւելքում տեղի է ունեցել 5,4 մագնիտուդով երկրաշարժ, որն առնչվել է Ֆուկուսիմա պրեֆեկտուրային, որտեղ 2011 թվականին ԱԷԿ-ում վթար էր տեղի ունեցել, հայտնում է ճապոնական օդերեւութաբանական ծառայությունը, փոխանցում է «ՌԻԱ Նովոստի»-ն:
Օդերեւութաբանական ծառայության տվյալներով՝ երկրաշարժի էպիկենտրոնը գտնվում է ֆուկուսիմայի մերձափին, օջախը՝ 20 կմ խորությամբ:
Ըստ ճապոնական 7-բալանոց սանդղակի՝ ստորգետնյա ցնցումների հզորությունը կազմել է 4 բալ: Երկրաշարժը Տոկիոյում չի զգացվել: Ցունամիի վտանգ չի հայտարարվել, վնասի եւ տուժածների մասին տեղեկություններ չեն հաղորդվում:
