Հայաստանում ներքաղաքական փոփոխությունները, ի թիվս այլ բաների, կարող են նաեւ անշարժ գույքի շուկայում փոփոխությունների հանգեցնել: Արդեն կարծիք է հնչեցվել է, որ երկրի ժողովրդավարացումը խթանում է արտասահմանցի մեր հայրենակիցների վերադարձը, որոնց թվում կարող են  լինել նաեւ պատմական հայրենիքում անշարժ գույքի գնորդներ:

Մինչ այդ, անցյալ տարվա տարեսկզբից, երկրում միգրացիայի գործընթացներում բացասական տեղաշարժերը շարունակվում են: Այսպիսով, հուլիսի 1-ի դրությամբ մշտական բնակչության թվաքանակը մեկ տարվա ընթացքում նվազել է 10.1 հազարով կամ 0.3 տոկոսով: Նշենք, որ արտահոսքը տեղի է ունեցել բնակչության բնական աճի ֆոնին (այս տարվա հունվար-հունիսին երկրում ծնելիությունը մահացությանը գերազանցել է 3.1 հազարով: Այսինքն, բնակչության զուտ արտահոսքն այս ցուցանիշից բարձր էր:

Ամենայն հավանականությամբ քաղաքացիության փոփոխության գործընթացը (մասնավորապես` Ռուսաստանի քաղաքացիության ընդունումը) շարունակվում է: Մարտ- հունիսին բնակչության միգրացիայում արմատական փոփոխություն չի եղել: Այս շրջանում մշտական բնակչության թվաքանակը (ապրիլի 1-ից մինչեւ հուլիսի 1-ը), չնայած զուտ խորհրդանշական մեծությանը, բայց նվազել է 0.1 հազարով: Սակայն կարելի է երկրի բնակչության արտահոսքի դանդաղում արձանագրել, քանի որ, նախորդ տարվա նույն ժամանակահատվածում այս ցուցանիշը բարձր էր՝ 1,6 հազարով կրճատում: 

Հունիսը նշանավորվել է Երեւանում բնակարանների առքուվաճառքի գործարքների քանակի կտրուկ աճով` տարվա կտրվածքով` 1,4 անգամ: Դժվար է սա միանշանակ բացատրել «թավշյա հեղափոխության» դրական ազդեցությամբ՝ հաշվի առնելով հանրապետության ժողովրդագրության վերը նշված փոփոխությունները: Բացի այդ, նույնիսկ այս երեւույթներից առաջ, բնակարանների առք ու վաճառքի գործարքների թվի երկնիշ աճ էր նկատվել: Այսպիսով, հունվար-մարտին մայրաքաղաքում վաճառքը 590 բնակարանով ավելի շատ  է եղել (աճը `1,3 անգամ), քան մեկ տարի առաջ:    

Պաշտոնական վիճակագրության հիման վրա հրապարակված տեղեկատվությունը ցույց է տալիս մայրաքաղաքի բնակարանների շուկայական գների աճը (տես ստորեւ բերված աղյուսակը): Այսպես, հունիսին բնակարանների մեկ քառակուսի մետրի գները տարվա ընթացքում աճել են 3.0 տոկոսից (Քանաքեռ-Զեյթուն թաղամաս) մինչեւ 17.4 տոկոս («էլիտար» Կենտրոն):

Հիշեցնենք, որ ավելի վաղ առաջ էր քաշվում Կենտրոնի բնակարանների գնի կայուն բարձրացման բացատրության վարկածներից մեկը: Խոսքը վերաբերում էր թանկ բնակարանների գնմանը եւ հետագա վաճառքին՝ բարձր եկամուտների աղբյուրի փաստաթղթային ձեւակերպման նպատակով:

Հայտնի է, որ ԱՄՆ դոլարը լայնորեն օգտագործվում է մեր երկրում անշարժ գույքի առքուվաճառքի ժամանակ: Դրա ազդեցությունը անշարժ գույքի գների դինամիկայի վրա գրեթե զրոյական էր, քանի որ ուսումնասիրված ժամանակահատվածում Հայաստանում այս արժույթը որոշակի կայունության էր դրսեւորել (հունիսին փոխարժեքի աճը տարվա ընթացքում ընդամենը 0.2 տոկոս էր):

Սմբատ Գրիգորյան