Blue Origin մասնավոր աէրոտիեզերական ընկերությունը, որը պատկանում է միլիարդատեր Ջեֆ Բեզոսին, ներկայացրել է տիեզերական զբոսաշրջիկների համար ուղեւորատար պարկուճի ինտերիերը: Վեց անձի համար նախատեսված խցիկում բազկաթոռներ կան, չորս իլյումինատոր եւ թռիչքի պարամետրերին հետեւելու համար նախատեսված էկրաններ: Այս մասին գրում է «Կոմերսանտը»:
Ավելի վաղ հայտնի էր դարձել տիեզերք թռիչքի արժեքը: Տեղեկացված աղբյուրերի համաձայն՝ New Shepard տիեզերանավով թռիչքը 200-300 հազար դոլար կարժենա: Տոմսերը կսկսեն վաճառել 2019 թվականից: