News
Լրահոս
News
Երկուշաբթի
Օգոստոս 19
USD
475.91
EUR
528.16
RUB
7.12
ME-USD
0.15
Տեսնել լրահոսը


Մոսկվայի Օստանկինսկի դատարանը մինչեւ 72 ժամով երկարաձգել է Խաչատրյան երեք քույրերի ձերբակալման ժամկետը: Ավելի վաղ նրանք խոստովանել էին, որ սպանել են իրենց հորը: Բոլոր երեք նիստերը փակ ռեժիմով են անցել, հաղորդում է BBC-ի ռուսական ծառայությունը:

Քույրերը 17, 18 եւ 19 տարեկան են: Կրտսերին կալանավորելու միջնորդության վերաբերյալ նիստը փակել են նրա անչափահաս լինելու պատճառով, ավագների կալանավորման մասին նիստն՝ այն պատճառով, որ նյութերի ուսումնասիրությունը կարող է նրանց պատիվն ու արժանապատվությունը ստորացնող վկայությունների հրապարակման հանգեցնել, նշել է դատարանի մամուլի քարտուղար Աննա Սելիվանովան:

Ավելի վաղ բոլոր երեք աղջիկներն ընդունել են իրենց մեղքը: Հարցաքննության ընթացքում նրանք պատմել են, որ հայրը երկար ժամանակ նրանց «բարոյական տառապանքներ» է պատճառել: Լրատվամիջոցների տվյալներով, նա ծեծել է նրանց, ինչպես նաեւ սեռական կապերի դրդել:

Աննա Սելիվանովան «Ինտերֆաքսին»   հաղորդել է, որ աղջիկներին ՔՕ 105-րդ հոդվածի երկրորդ մասով մեղադրանք է առաջադրվել, ինչը ընդհուպ մինչեւ ցմահ ազատազրկում պատիժ է նախատեսում:

Ինչպե՞ս է տեղի ունեցել սպանությունը

57-ամյա Միխայիլ Խաչատրյանի մարմինը հայտնաբերվել էր ուրբաթ երեկոյան՝ հուլիսի 27-ին, Ալտուֆեւսկոյե խճուղու բազմաբնակարան շենքի շքամուտքում

Նա կրծքավանդակի եւ պարանոցի շրջանում բազում կտրած-ծակած վնասվածքներ էր ստացել:

Հաջորդ օրը ձերբակալվել էին նրա 3 դուստրերը: 19-ամյա Կրիստինան, 18-ամյա Անգելինան եւ նրանց 17-ամյա կրտսեր քույրը, որը սովորում է 11-րդ դասարանում: ՔԿ-ն նրանց դեմ ՔՕ 105-րդ հոդվածի երկրորդ մասով քրեական գործ է հարուցել:

Հարցաքննության ընթացքում բոլոր երեք աղջիկները խոստովանել են կատարվածում իրենց մեղքը եւ պատմել, որ երկար ժամանակ բարոյական տառապանքների պատճառով իրենց հոր հետ «թշնամական հարաբերություններ էին ձեւավորվել»:

 «ՌԻԱ Նովոստիի» աղբյուրի համաձայան հայրն առաջինն է հարձակվել աղջիկների վրա: «Մոսկվա» գործակալությունը հաղորդել է, որ աղջիկները հորը դանակով առնվազն 36 անգամ հարվածել են:

Սպանությունից հետո ավագ քույրը դիմել է Մոսկվայի հիվանդանոցներից մեկը, հաղորդելով, որ հայրը դանակով վնասել է իրեն:

Ի՞նչ է հայտնի Խաչատրյան ընտանիքի մասին

Շքամուտքում դռնապան աշխատող կինը «ՌԻԱ Նովոստիին» պատմել է, որ բնակարանից անընդհատ գոռոց կամ լաց էր լսվում, ինչի պատճառով հարեւանները բազմիցս դիմել են իրավապահ մարմիններին:

 «360» հեռուստաալիքի տվյալներով սպանված Միխայիլ Խաչատրյանը թմրանյութեր էր օգտագործում եւ անընդհատ դստրերին հաշվեհարդարով էր սպառնում:

Ձերբակալված քույրերի մայրը նրանց հետ չէր ապրում: «ՄԿ»-ին ընտանիքի հետ մտերիմ աղբյուրը պատմել է, որ Խաչատրյանը նրան տանից վռնդել է 2015-ին՝ արգելելով իր հետ տաբել երեխաներին: Նրա խոսքով, ամուսինների հարաբերությունները շատ լարված էին եւ քաղաքացիական ամուսինը (պաշտոնապես ամուսնացած չէին) նրան հաճախ էր ծեծում:

Աղջիկները ավագ եղբայր ունեն, որը նույնպես նրանցից առանձին է ապրում: Աղջիկների մայրը սպանության մասին որդուց է տեղեկացել, գրում է թերթը:

Եղբայրը հոր կողմից է

Արսեն Խաչատրյանը՝ աղջիկների եղբայրը, լրագրողներին պատմել է հոր մասին ողջ ճշմարտությունը եւ թե ինչու իր քույրերը կարող էին գնալ նման քայլի:

Արսենն անգամ չի կասկածում, որ քույրերը նախապես էին ծրագրել 57-ամյա հոր սպանությունը, գրում է ՖԱՆ-ը:

Որդու խոսքով, ողբերգությունից դեռ 6-7 ժամ առաջ քույրերը նամակագրության մեջ ակտիվ քննարկում էին հոր առաջիկա սպանությունը:

Արսենը վստահ է, որ քույրերը մտածված են հորը բռնապետ եւ բռնարար անվանում:

 «Ամեն ինչ ինչ-որ բանով հիմնավորված էր: Նա խիստ էր, ոչ թե նրա համար որ նրանց սպաներ կամ ծեծեր, ինչպես բոլորը գրում են: Կարեւորը, որ նրանց որպես նորմալ աղջիկների դաստիարակեր: Հայրը նրանց խրատներ եւ կյանքի նպատակ էր ցույց տալիս: Նրանք չէին գնահատում դա եւ ուշադրություն չէին դարձնում: Նա էլ բացասաբար եւ կոպիտ էր պատասխանում», — ասել է Արսենը:

Հորը սպանած աղջիկների մայրը. ամուսինս ծեծում էր ինձ, բռնության մասին չգիտեի

Կինը պատմել է, որ Միխայիլ Խաչատրյանի հետ սկսել է 1996-ին հանդիպել: Մեկ տարի անց ծնվել է նրանց որդի Սերգեյը, իսկ հետո համարյա իրար հաջորդելով երեք աղջիկները, գրում է ՄԿ-ն:

Կինն ընդգծել է, որ ամուսնության ժամանակ վատ հարաբերություններ ունեին, նրանք ամեն օր վիճում էին եւ Խաչատրյանը հաճախ ծեծում էր նրան: Ի դեպ, նրանք պաշտոնապես գրանցված չէին: 2015-ի դեկտեմբերին Միխայիլը տանից վռնդեց կնոջը՝ արգելելով երեխաներին տանել իր հետ: Կինը մեկնեց հայրենիք՝ Մոլդովա, բայց բավական արագ վերադարձավ եւ սկսեց վարձով բնակարականներում ապրել:

«Հանգուցյալը երկար տարիներ մեր ծխականն էր, -ասել են եկեղեցու կրպակի աշխատակիցները: Ամեն կիրակի՝ 3-ից 5-ը, նա այստեղ էր: Եկեղեցի էր բերում ամբողջ ընտանիքին՝ եւ դստրերին եւ որդիներին (մեկը առաջին ամուսնությունից է) եւ կնոջը եւ մորը: Որպես հայր, նա իհարկե, խիստ էր: Որպես մարդ էլ, նյարդային էր: Անընդհատ հանգստացնող հաբեր էր խմում: Անգամ անծանոթների հետ... եթե ինչ-որ մեկը մի բան այն չասեր, ինչպես կրակը բորբոքվում էր: Բայց միեւնույն ժամանակ բարի, կարգին մարդ էր: Բոլոր պահքերին հետեւում էր, տարին 3-4 անգամ Երուսաղեմ էր գնում: Ամեն ինչում կարգ ու կանոն էր սիրում», գրում է «ԿՌ»-ը:

Սակայն, չնայած կրոնական լինելուն, հարեւանների խոսքով, նա վախի մեջ էր պահում ողջ շքամուտքը: Լինում էր՝ կրակում էր: Հենց պատուհանից հրավառություն էր անում: Օրինակ Նոր տարվան: Սովորական գործ է:

Եկեղեցու ծխականը վախի մեջ էր պահում ողջ շքամուտքը

«Հանգուցյալը երկար տարիներ մեր ծխականն էր, -ասել են եկեղեցու կրպակի աշխատակիցները: Ամեն կիրակի՝ 3-ից 5-ը, նա այստեղ էր: Եկեղեցի էր բերում ամբողջ ընտանիքին՝ եւ դստրերին եւ որդիներին (մեկը առաջին ամուսնությունից է) եւ կնոջը եւ մորը: Որպես հայր, նա իհարկե, խիստ էր: Որպես մարդ էլ, նյարդային էր: Անընդհատ հանգստացնող հաբեր էր խմում: Անգամ անծանոթների հետ... եթե ինչ-որ մեկը մի բան այն չասեր, ինչպես կրակը բորբոքվում էր: Բայց միեւնույն ժամանակ բարի, կարգին մարդ էր: Բոլոր պահքերին հետեւում էր, տարին 3-4 անգամ Երուսաղեմ էր գնում: Ամեն ինչում կարգ ու կանոն էր սիրում», գրում է «ԿՌ»-ը:

Սակայն, չնայած կրոնական լինելուն, հարեւանների խոսքով, նա վախի մեջ էր պահում ողջ շքամուտքը: Լինում էր՝ կրակում էր: Հենց պատուհանից հրավառություն էր անում: Օրինակ Նոր տարվան: Սովորական գործ է:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ամենաերիտասարդ «օրենքով գող» Դաթո Կրասնոդարսկիին մեղադրել են հանցավոր աշխարհի հետ կապի մեջ
Կարգավիճակ է ստացել Ռուսաստանի տարածքում եւս 5 «նայող», այդ թվում՝ Բոնդո Ստուրուա (Բոնդո Ղազախստանսկի), Գեորգի Տորանձո (Գոգա Քութայիսսկի), Ռաժդեն Շուլայա (Ռաժդեն Պիտերսկի), Իլյա Գագլոեւ (Իլո Կալինինգրադսկի) եւ Արտյոմ Սարգսյան (Արտյոմ Սարատովսկի)...
Արթուր Աթաբեկյանին գողական լիազորություններով օժտելու փորձը կրկին անհաջողության է մատնվել
Օգոստոսին սկզբին առաջինն արգելափակել էր Շաքրոն…
Զարհուրելի սպանություն Պուշկինո գյուղում․ դանակի բազմաթիվ հարվածներից հետո դին այրել են․ կասկածյալը 20 տարեկան է
Դատաբժշկի նախնական եզրակացության համաձայն, դիակի վրա հայտնաբերվել են դանակի բազմաթիվ հարվածների հետքեր․․․
Ռուսաստանում դեռահասը կացնահարել է ընտանիքի անդամներին
Ենթադրվում է, որ օգոստոսի 18-ի գիշերը հենց նա է սպանել իր մորը, տատին, պապին, եղբորն ու քրոջը, այնուհետեւ ինքնասպանություն գործել…
Երեւանում 23-ամյա մի երիտասարդ գազային ատրճանակով կրակոց է արձակել
Նրա մոտից հայտնաբերվել է «Բայկալ» տիպի գազային ատրճանակ իր պահունակով՝ լիցքավորված 3 գնդիկներով․․․․
28-ամյա տղամարդը ապակյա շշով 4-5 անգամ հարվածել է 25-ամյա կնոջ գլխին
Բացի այդ, 2019 թվականի փետրվարի 13-ին, գտնվելով ալկոհոլի ազդեցության տակ…