Եվրասիական տնտեսական միության երկրների (ԵՍԶԿ) ավտոճանապարհներին անվտանգության ապահովման հարցերը քննարկել են ճանապարհային անվտանգության եւ տրանսպորտային միջոցների գրանցման համար պատասխանատու ազգային մարմինների ներկայացուցիչները: Եվրասիական տնտեսական հանձնաժողովի նիստում, մասնավորապես, քննարկվել են արտադրվող ավտոմեքենաների նախագծման կատարելագործման հեռանկարները, շահագործվող մեքենաների պարկի պահանջների խստացումը, այդ թվում դրանց վերասարքավորման ժամանակ:
ԵՏՄ-ի ներկայացուցիչները հաղորդել են, որ ճանապարհային անվտանգության բարձրացման եւ գրանցող մարմինների աշխատակիցների աշխատանքների հեշտացման նպատակով Հանձնաժողովը աշխատում է էլեկտրոնային ավտոանձնագրերի համակարգի ներդրման, ինչպես նաեւ մեքենաների գրանցման հետ կապված գործընթացների ավտոմատացման ուղղությամբ: Արդեն այս տարի հնարավոր կլինի ավտոմատ կերպով ստեղծել հուսալի էլեկտրոնային տվյալների բազա, որոնք Միության համար միասնական ձեւաչափ կունենան եւ կթարմացվեն իրական ժամանակի ռեժիմում:
