ԱՄՆ-ն պատժամիջոցներ է սահմանել երկու թուրք նախարարների դեմ: Ինչպես հաղորդում է Reuters-ը, պատժամիջոցները կիրառվել են Թուրքիայի արդարադատության նախարար Աբդուլհամիտ Գյուլի եւ ներքին գործերի նախարար Սուլեյման Սոյլուի նկատմամբ ամերիկացի քահանա Էնդրյու Բրանսոնի ձերբակալության եւ դատավարության առնչությամբ:
Սպիտակ տան մամուլի քարտուղար Սառա Սանդերսի խոսքով, այս երկու պաշտոնյաները նրա կալանավորման հարցում առանցքային դեր են խաղացել:
«Քահանա Բրանսոնի անարդարացի եզրակացությունը եւ թուրք պաշտոնյաների կողմից շարունակական հետապնդումը պարզապես անընդունելի են», - հայտարարել է Ֆինանսների նախարար Ստիվեն Մնուչինը: