Ֆիզիկայի ուսուցիչ Արա Հարությունյանը, ով աշխատում է Արցախի Մարտունու շրջանի Նորշեն համայնքի Լեոնիդ Գուրունցի անվան դպրոցում, իր աշակերտների հետ նախագիծ է մշակել, որն ուղղված է աշակերտների գիտելիքների, հմտությունների եւ վարքի թափանցիկ գնահատականին: Նախագիծը ներկայացվել է Sevan Startup Summit 2018-ում:
NEWS.am-ի թղթակցի հետ զրույցում Արա Հարությունյանը նշեց, որ նախագիծը NorShenLab մեթոդիկ լաբորատորիա է իրենից ներկայացնում, որը գործում է բրեյն-ռինգ խաղի մեթոդով. դասերի ընթացքում ուսուցչի հարցին առաջինը պատասխանելու հնարավորություն ունեն այն աշակերտները, որոնք առաջինն են սեղմել կոճակը (դպրոցական սեղաններին տեղադրված):
Ստացվում է յուրօրինակ ազարտային խաղ, որը մեծացնում է ուսման նկատմամբ մոտիվացիան:
Ռադիոկապի միջոցով կոճակները սեղմելու ժամանակ առաջացող ազդանշանները փոխանցվում են ուսուցչի սեղանի կառավարման վահանակին: Դրա վրա լամպեր են վառվում, որոնք ցույց են տալիս, թե աշակերտներից ով է հարցը հնչեցնելուց հետո առաջինը սեղմել կոճակը: Բացի այդ դասարանում պետք է գնահատականների վահանակ տեղադրվի, որը հարցերի քանակից կախված՝ ցույց է տալու յուրաքանչյուր աշակերտի ցուցանիշները: Հենց այս գնահատականներն են դրվելու դասամատյանում:
«Գաղափարն իմ մոտ է ծնվել, բայց ծրագիրը մշակվել է ամբողջ դպրոցական թիմի կողմից: Արդեն մշակվել եւ կիրառվել է հավելվածի նախատիպը, բայց ավելի լայն լսարանի համար նախագծի հետագա զարգացման, կայքի ստեղծման, մյուս դպրոցներին վաճառքի, այդ թվում արտասահմանյան, նպատակների համար, ֆիանսավորում է հարկավոր»,- նշեց Արա Հարությունյանը:
Նա բացատրեց, որ NorShenLab մեթոդիկ լաբորատորիան թեստավորվել է ֆիզիկայի եւ ռովոտաշինության դասերին, բայց հարմար է դպրոցականա բոլոր առարկաների համար: Համակարգի փորձնական տարբերակն արդեն 4 ամսից ավել աշխատում է:
Նորշենի գյուղական դպրոցի աշակերտուհիներ Տիրուհի Գասպարյանը եւ Աննա Հարությունյանն իրենց հերթին նշեցին, որ իրենց կողմից ներկայացված նախագիծը աշակերտներին հնարավարություն է տալիս չամաչել, անգամ եթե նրանք չեն սվորել դասը եւ ավելի ակտիվ պատասխանել ուսուցչի հարցերին:
«Համակարգը գնահատում է ոչ միայն գիտելիքները, այլեւ աշակերտների վարքը եւ ակտիվությունը»,- նշեցին նրանք:
Հիշեցնենք, որ 2018-ի հունվարից Լեոնիդ Գուրունցի անվան դպրոցում գործում է «Արմատ» ինժեներական լաբորատորիան, որի ղեկավարը Ֆիզիկայի ուսուցիչ Արա Հարությունյանն է, ով Teach For Armenia ծրագրի շրջանակում Երեւանից Արցախ է գործուղվել: