Խափանման միջոցն ընտրվում է ելնելով այն անհրաժեշտությունից, որ ապահովվի կասկածյալի կամ մեղադրյալի պատշաճ վարքագիծը քննության ընթացքում: Այս մասին, այսօր՝ օգոստոսի 2-ին, կառավարության նիստից առաջ լրագրողների հետ զրույցում նշեց ՀՔԾ պետ Սասուն Խաչատրյանն անդրադառնալով հարցին, թե ինչու ՀՀ երկրորդ նախագահ Ռոբերտ Քոչարյանի նկատմամբ կիրառվել է կալանքը որպես խափանման միջոց:
Սասուն Խաչատրյանը պարզաբաեց. «Ինչ է նշանակում պատշաճ վարքագիծ: Կա թյուր կարծիք, թե պատշաճ վարգաքիծը ընդամենը փախուստի դիմելու հավանականությունն է, բայց միշտ մոռացվում է իմ կարծիքով ավելի կարեւոր հանգամանքը, որ պատշաճ վարքագծի բաղադրիչը մեղադրյալի կողմից վարույթին մասնակցող անձանց վրա ապօրինի ազդեցությունը բացառելն է: Հենց այս կարեւոր նախապայմանից ելնելով ես գտնում եմ, որ Ռոբերտ Քոչարյանին կալանքի տակ պահելը անհրաժեշտ է այս պահին, որպեսզի մենք կարողանանք լրիվ ծավալով քննություն կատարել եւ բացառվի նրա ապօրինի ազդեցությունը վարույւթի մասնակիցների նկատմամբ»:
