Հայաստանում պետք է ձեւավորվի մի քաղաքական ուժ, որի հիմքում ընկած կլինի «Քաղաքացիական պայմանագիր» կուսակցությունը եւ Նիկոլ Փաշինյանի ու իր թիմակիցների առաջ բերած արժեհամակարգը։ Այս մասին այսօր՝ օգոստոսի 2-ին կառավարությունում լրագրողների հետ զրույցում հայտարարեց առաջին փոխվարչապետ Արարատ Միրզոյանը՝ պատասխանելով հարցին, թե արդյոք «Ելք» դաշինքը պառակտվում է։
«Այս քաղաքական ուժը կստանձնի այդ արժեհամակարգի վրա հիմնված բոլոր փոփոխությունների պատասխանատվությունը։ Կդառնա այդ փոփոխությունների դրոշակակիրը»,–նշեց նա։
Առաջին փոխվարչապետը շեշտեց նաեւ, որ այդ քաղաքական ուժի մեջ կարող են ընդգրկվել տարբեր անհատներ, քաղաքական եւ հասարակական կառույցներ։