News
Լրահոս
News
Հինգշաբթի
Մայիս 23
Տեսնել լրահոսը

Հայաստանում անհրաժեշտ է աշխատել հակառուսական տրամադրությունների դեմ: Կովկաս ինստիտուտի տնօրեն, քաղաքագետ Ալեքսանդր Իսկանդարյանն այսպիսի կարծիք հայտնեց Հայաստանի գործընթացներին ռուսական կողմի արձագանքի հետ կապված իրավիճակին նվիրված քննարկման ժամանակ:

«Հակառուսական տրամադրությունների առնչությամբ մամուլը նայեք: Հայաստանում եւս մարդիկ Ռուսաստանի մասին տարբեր կերպ են մտածում»,- նշեց Իսկանդարյանը՝ հավելելով, որ նրանք, ովքեր չեն ցանկանում դա տեսնել՝ հայ-ռուսական հարաբերությունների թշնամին են: «Կան հակառուսական տրամադրություններ եւ լոբբի: Դրան պետք է վարժվել, եւ դրա դեմ պետք է աշխատել: Սա քաղաքական իրողության բաղկացուցիչ մասն է»,- նշեց քաղաքագետը:

Հավասարը հավասարի հետ հարաբերությունների կառուցման անհրաժեշտության մասին գործընկերների մեկնաբանություններին ի պատասխան՝ Իսկանդարյանը նշեց, որ հավասար երկրներ չեն լինում: «Գվատեմալայի եւ ԱՄՆ հարաբերություններում Գվատեմալան հաշվի է առնում, որ դա հարեւան Սալվադորը չէ: Հայերը եւս հասկանում են, թե ինչ է Ռուսաստանը: Հարաբերություններում հարկավոր է առաջնորդվել ոչ թե գեղեցիկ բառերով, այլ իրականությամբ»,- ասաց քաղաքագետը: Նրա կարծիքով՝ այս անգամ հարաբերությունները կկարգավորվեն, սակայն նստվածքը կմնա եւ ամեն անգամ կմեծանա:

«Վերջերս ավարտվել է սպառազինության հերթական խմբաքանակի մատակարարումը՝ «Սմերչի», «Իգլայի», ռադիոտեխնիկական հետախուզման միջոցների, Ծանր հրետանային համակարգի, հրթիռների: Սակայն մամուլում արդեն ենթադրություն կա, որ «Իսկանդերների» եւ կործանիչների մատակարարումները հարցականի տակ են»,- նշեց Ալեքսանդր Իսկանդարյանը՝ շեշտելով, որ անհրաժեշտ է առաջնորդվել ոչ թե էմոցիաներով եւ անմիտ սպասումներով, այլ պրագմատիզմով:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Խորհրդակցություններ ՀՀ եւ ՌԴ արտաքին գործերի նախարարությունների միջեւ
Խորհրդակցություններից հետո Արման Հակոբյանին ընդունել է ՌԴ արտաքին գործերի նախարարի տեղակալ Սերգեյ Ռյաբկովը...
«Սուտ եք ասում». Արմեն Գրիգորյանը՝ լրագրողին
«Այդ հարցը, կարծում եմ, մոտ մեկ տարվա հնության հարց է...
«Ժամանակ». Հայաստանը հաղթե՞ց, թե՞ պարտվեց. գլխավոր մարտերը դեռ առջեւում են
Հայաստանի համար շատ կարեւոր է պահել դիրքերն ու սկզբունքային հարցադրումները...
ՀՀ-ից արտահանված ձկան մեջ մկնդեղի առկայությունը շատ զարմանալի էր ինձ համար. ՍԱՏՄ ղեկավարը՝ «Ռոսսելխոզնադզորի» մասին
Մենք արդեն 4 տարի է՝ մոնիտորինգ ենք անցկացնում եւ այդպիսի ցուցանիշներ մենք չենք հայտանաբերել...
Մոսկվա է մեկնել ՀՀ ԶՈՒ գլխավոր շտաբի աշխատանքային խումբը
Հայաստանի եւ Ռուսաստանի պաշտպանության նախարարությունների երկկողմ համագործակցության 2019թ. պլանի համաձայն...
Հայաստանը կասկածի տակ չի դնում Գյումրու ռուսական ռազմաբազայի գոյությունը. Զոհրաբ Մնացականյան
Փոխհարաբերություններում կարող են տարբեր հարցեր լինել...