Կատակերգակ դերասան եւ «Քաղաքացիւական պայմանագիր» կուսակցության անդամ Հայկ Մարությանը կարող է առաջադրվել խորհրդարանական ընտրություններին եւ քաղաքական կարիերա սկսել: Այս մասին NEWS.am- ի թղթակցի հետ զրույցում ասաց «Սոցիոմետր» սոցիոլոգիական կենտրոնի ղեկավար Ահարոն Ադիբեկյանը:
Միեւնույն ժամանակ, նա բարձր գնահատական չտվեց Մարությանի՝ Երեւանի քաղաքապետի պաշտոնը զբաղեցնելու հնարավորություններին: Նրա կարծիքով, այս դեպքում նրան սպասվում է ճանաչված դերասան Սոս Սարգսյանի ճակատագիրը, որը 1991 թվականին նախագահական ընտրություններում պարտվեց:
«Ծառուկյան դաշինքը, ՀՅԴ-ն եւ Հայաստանի Հանրապետական կուսակցությունը Երեւանում բավականին ուժեղ դիրքեր են պահպանում: Միեւնույն ժամանակ, Հայաստանի վարչապետ Նիկոլ Փաշինյանի վարկանիշը Երեւանում կադրային քաղաքականության պատճառով կտրուկ անկում է ապրել: Շատերը, ում նա հեռացրել է աշխատանքից, երեւանցիներ են, եւ նրանց մեծ մասը ունի ծանոթությունների լայն շրջանակ, հեղինակություն եւ կշիռ հասարակության մեջ: Կարծում եմ, իշխանության նման փոփոխությունը Փաշինյանի մարտավարական սխալն էր, չնայած հնարավոր է, որ նա այլ ելք չուներ», - ասաց Ադիբեկյանը:
Միաժամանակ, ըստ սոցիոլոգի, Մարությանը հնարավորություն ունի մասնակցել խորհրդարանական ընտրություններին եւ ստանալ պատգամավորական մանդատ: «Նա շատ համեստ է իրեն պահում, անկեղծ ելույթ չի ունենում, եւ այսպես ասած, փորձում է ձեւացնել, թե պաշտպանում է Նիկոլ Փաշինյանի դիրքորոշումը: Դա այնքան էլ այդպես չէ, քանի որ ես կարող եմ դատել նրան իր ելույթներից», - ասաց փորձագետը:
«Մարությանը չէր ուզում «հարվածել» Փաշինյանի վարկանիշին, եւ, դրա համար, ստվերում էր մնում, երկրորդ դիրքում», - ավելացրեց Ադիբեկյանը` չբացառելով այն հնարավորությունը, որ երբ ժամանակը գա, դերասանը կարող է նաեւ վարչապետի աթոռին հավակնել:
Ամեն ինչ կախված է նրանից, թե որքան կլինի «Քաղաքացիական պայմանագրի» մասնաբաժինը ընդհանուր կոալիցիոն կառավարությունում եւ կոալիցիոն խորհրդարանում: Եթե կոալիցիայում նրանք մեծամասնություն կազմեն, ապա Նիկոլ Փաշինյանն այնտեղ անելիք չի ունենա: Կամ Մարությանը կդառնա վարչապետ, կամ նրանք կկիսեն գործառույթները. Մարությանը կդառնա ԱԺ նախագահ, իսկ Փաշինյանը՝ վարչապետ: Եվ այդ ժամանակ հարց կառաջանա՝ ո՞վ կլինի նախագահը», - ամփոփեց Ադիբեկյանը: