Aston Martin-ը քննարկում է DBS Superleggera սուպերքարի AMR տարբերակի թողարկման հնարավորությունը: Նման մեքենան ավելի հզոր կլինի սովորականից, իսկ կոնստրուկցիայում ածխապլաստիկի ավելի լայն օգտագործման շնորհիվ նաեւ ավելի թեթեւ կլինի, հաղորդում է Motor-ը:
Նախնական տեղեկատվության համաձայն, DBS Superleggera AMR-ը կստանա վերափոխված կախոց` ավելի կոշտ զսպանակներով, բազմաթիվ կարբոնային դետալներ եւ 760 ձիաուժ հզորությամբ V12 շարժիչ: Սովորական տարբերակում շարժիչի հզորությունը կազմում է 725 ձիաուժ եւ 900 Հմ:
Aston Martin DBS Superleggera-ն 3.4 վայրկյանում ժամում 60 մղոն է զարգացնում, 6.4 վայրկյանում՝ ժամում 100 մղոն (ժամում 161 կիլոմետր) : Հնարավոր է, որ AMR ինդեքսով ավտոմեքենան մի փոքր ավելի արագ լինի: