«Սասնա ծռերի» անդամներ Սերգեյ Կյուրեղյանի եւ Տիգրան Մանուկյանի խափանման միջոցը փոխելու համար անձանական երաշխավորություն են ներկայացրել «Ծառուկյան» խմբակցության 3 պատգամավորներ: NEWS.am-ի թղթակիցը Երեւանի ընդհանուր իրավասության դատարանի Շենգավիթի նստավայրից հայտնում է, որ անձնական երաշխավորություն են ներկայացրել Նաիրա Զոհրաբյանը, Սերգեյ Բագրատյանը եւ Վահե Էնֆիաջյանը:
Պատգամավորների դատարան ներկայանալուց հետո դատարանը որոշում կկայացնի միջնորդության վերաբերյալ:
Դատախազը չի առարկել խափանման միջոցը փոխելու ներկայացված միջնորդությանը:
Նշենք, որ Արշակ Վարդանյանը քննում էր «Սասնա ծռեր» խմբի անդամներ Արամ Մանուկյանի, Հովհաննես Հարությունյանի, Թաթուլ Թամրազյանի, Արամ Հակոբյանի, Տիգրան Մանուկյանի, Արայիկ Հակոբյանի, Վարդան Գերավետյանի, Մարտիրոս Հակոբյանի, Սերգեյ Կյուրեղյանի, Գևորգ Իրիցյանի, Թորոս Թորոսյանի առանձնացված մասով գործը:
