Հայաստանի ու Ռուսաստանի միջև փոխգործակցության մակարդակը ապահովում է ընթացիկ բոլոր խնդիրների լուծումը ու համարժեք ու արագ արձագանքը ցանկացած իրավիճակային փոփոխության։ Այս մասին հայտնել է Ռուսաստանի պնախարարի տեղակալ, գեներալ-գնդապետ Ալեքսանդր Ֆոմինը՝ Երևանում լրագրողների հետ զրույցում։
«Մենք այսօր Հայաստանի ՊՆ-ի ղեկավարության հետ քննարկում ենք ռազմատեխնիկական համագործակցության հրատապ հարցերը։ Պաշտպանական համագործակցության ոլորտում ստեղծվել է բավականին պատկառելի նորմատիվային իրավական բազա, ավելի քան 60 պայմանագրեր ու համաձայնագրեր։ Դա բավականին պատկառելի բազա է, ոչ բոլոր երկրները կարող են նման ժառանգությամբ պարծենալ»,-նշել է Ալեքսանդր Ֆոմինը։ Նրա խոսքով, կատարելագործվում են ՀՕՊ համակարգը ու զորքերի միավորված խմբավորումը, կան համապատասխան որոշումների կայացման մեխանիզմներ։
«Մենք աշխատում ենք բոլոր հնարավոր ուղղություններով, այդ թվում՝ զինվորականների կրթության։ Մեծ քանակությամբ հայ զինվորականներ ուսում են ստանում ՌԴ ռազմական բուհերում։ Այս տարի ևս 215 դիմորդ ենք ունենալու»,- հայտնել է փոխնախարարը։