ՀՀ երկրորդ նախագահ Ռոբերտ Քոչարյանն ուզուրպացրել էր իշխանությունը, որը չափազանց վտանգավոր եւ անթույլատրելի էր։ Այս մասին օգոստոսի 3-ին՝ լրագրողների հետ զրույցում նշել է քաղաքագետ Լեւոն Շիրինյանը։
«Նույնն արեց նաեւ Սերժ Սարգսյանը. որպեսզի պահպանի իր իշխանությունը, նա փոխեց սահմանադրությունը»,–նշել է Շիրինյանը։
Նա շեշտել է՝ նախկին վարչապետ Սերժ Սարգսյանին եւս պետք է մեղադրանք առաջադրել իշխանությունը ուզուրպացնելու համար։
Ավելի վաղ NEWS.am-ը հայտնել էր, որ Հայաստանի երկրորդ նախագահ Ռոբերտ Քոչարյանին մեղադրանք է առաջադրվել 2008-ի մարտի 1-ի իրադարձությունների ժամանակ սահմանադրական կարգի տապալման համար։ Վերջինն կալանքից առաջ հարցազրույց է տվել, որտեղ հայտնել է այն մասին, որ իր հանդեպ քրեական գործը սարքված է, խոսքը քաղաքական պատվերի մասին է։