«Սասնա ծռեր» խմբի անդամներ Արեգ եւ Սերգեյ Կյուրեղյանների հայրը՝ Արմենակ Կյուրեղյանը, պնդում է, որ ոստիկանության ՊՊԾ գնդում  ոստիկանները զոհվել են նախկին իշխանության մեղքով։

Նշենք, որ այսօր ազատ արձակվեցին «Սասնա ծռեր»  խմբի եւս երկու անդամներ՝ Սերգեյ Կյուրեղյանը եւ Տիգրան Մանուկյանը։  

NEWS.am–ի հետ զրույցում Արմենակ Կյուրեղյանն անդրադառնալով «Սասնա ծռեր»–ին ազատ արձակելուն ուղղված  քննադատություններին՝ ասաց. «Այդ քննադատություններն  անընդունելի են ինձ համար, որովհետեւ բոլոր զոհերը տեղի են ունեցել ռեժիմի մեղքով եւ ռեժիմի պատճառով։ Այն երկրները, որտեղ բռնատիրություն է լինում, մարդիկ պայքարում են բռնատիրությունից ազատվելու համար, այդ ռեժիմն է մղում մարդկանց պայքարելու եւ իրենցից ազատվելու։

Փառք Աստծո, հիմա դրվում են ժողովրդավարության հիմքերը եւ տեսնում ենք՝ ինչ ուժեր կան, որ ապավինում են դրսի ուժերին եւ ուզում են դրսի ուժերի միջոցով  շրջել այս պրոցեսը, բայց զուր ջանքեր են դրանք։ Հայ ժողովուրդն այեւս չի համաձայնի ստրուկի կարգավիճակով ապրել»,–ընդգծեց Արմենակ Կյուրեղյանը։