NASA-ն հայտնել է տիեզերագնացների անունները, որոնք առաջին կթռչեն SpaceX ընկերության Dragon եւ Boeing ընկերության CTS-100 Starliner տիեզերանավերով: Այս մասին հաղորդում է ՌԲԿ-ն:
Dragon-ով Միջազգային տիեզերակայան կթռչեն Վիկտոր Գլովերը, Մայք Հոփքինսը, Բոբ Բենքենը եւ Դոգ Հարլին, իսկ Starliner-ով կթռչեն Ջոն Կասադան, Սունիտա Ուիլյամսը, Էրիկ Բոուն, Քրիս Ֆերգյուսոնը եւ Նիկոլ Ամապու-Մաննը:
Գործակալությունում նշել են, որ 2011 թվականից ի վեր առաջին անգամ ամերիկյան տիեզերանավերը տիեզերագնացների կհասցնեն ՄՏԿ:
SpaceX-ի եւ Boeing-ի տիեզերանավերի թռիչքը նախատեսված է 2019 թվականին: Ծրագրի իրականացման համար NASA-ն ավելի քան 8 մլրդ դոլար է հատկացրել: