Ֆրանսիայում արտակարգ շոգի պատճառով դադարեցվել է ատոմային էլեկտրակայանի երկու ռեակտորների աշխատանքը: Ռոնա գետի ափին գտնվող Բյուժե ԱԷԿ ռեակտորներից մեկի աշխատանքը դադարեցվել էր օգոստոսի 3-ին, Սենթ Ալբան ԱԷԿ ռեակտորը մեկ օր առաջ, փոխանցում է DW-ն:
Ֆրանսիացի էներգետիկներն այս միջոցառման միջոցով նախատեսում են կանխել ջրամբարների հետագա տաքացումը, որոնց ջուրն օգտագործվում է ռեակտորների հովացման համար: Նույն պատճառով Գերմանիայում մի քանի ԱԷԿ-ներ ստիպված էին ծանրաբեռնվածությունը նվազեցնել:
Գերմանացի ագրարագործները դիմել են կառավարությանը՝ կորուստները փոխհատուցելու խնդրանքով, որոնք կրում են շոգի եւ երաշտի պատճառով: Գերմանական գյուղացիական միության նախագահ Յոահիմ Ռուկվիդը հնարավոր փոխհատուցումը գնահատել է 1 մլրդ եվրո:
Առաջին քայլը պետք է լինի արտակարգ դրության հայտարարումը, որն օրինական հիմք կդառնա կառավարության կողմից միջոցների հատկացման համար: Նրա խոսքով՝ օգնության կարիք ունեն ֆերմերային տնտեսությունները, որոնց բերքը ավելի քան 30 տոկոսով նվազել է վերջին տարիներին միջին ցուցանիշի համեմատությամբ:
