ԱՄՆ Պետքարտուղար Մայք Պոմպեոն հայտարարել է, որ ASEAN գագաթաժողովի շրջանակներում զրուցել է Հյուսիսային Կորեայի գործընկեր Ռի Յոնգ Հոի հետ: «Մենք կարճ եւ սիրալիր զրույց ունեցանք: Մեր պատվիրակությունը նաեւ հնարավորություն ստացավ փոխանցել նախագահ Դոնալդ Թրամփի պատասխանը Հյուսիսային Կորեայի նախագահ Կիմ Չեն Ընի նամակին», - Twitter-ում գրել է Պոմպեոն:
Հիշեցնենք, որ ԱՄՆ Պետդեպարտամենտը օգոստոսի 1-ին հաղորդել էր, որ Թրամփը նոր նամակ է ստացել Կիմ Չեն Ընից: Թրամփը շնորհակալություն է հայտնել նրան իր «հաճելի նամակի համար» եւ հույս հայտնել նոր հանդիպման համար: Սակայն Սպիտակ Տունը ավելի ուշ հայտարարեց, որ երկու ղեկավարների հանդիպման կազմակերպումը օրակարգում չէ: