Գերմանիայի Կենտրոնական բանկը դրամական փոխանցումների նկատմամբ ավելի մանրակրկիտ վերահսկողություն ապահովելու համար փոխում է իր պայմաններն ու դրույթները: Այս քայլը կատարվում է Համբուրգի բանկային հաշիվներից գումարներ հանելու Իրանի փորձերի ֆոնի վրա, մինչդեռ ԱՄՆ-ն իր դաշնակիցներին կոչ է անում կոշտ լինել Թեհրանի նկատմամբ:
AP-ն հաղորդում է, որ Իրանը ցանկանում է վերադարձնել 300 մլն եվրոն, որոնք գտնվում են Եվրոպաիրանական բանկի հաշվին, մինչ ԱՄՆ-ն կվերսկսի իր պատժամիջոցները: Գերմանիայի իշխանությունները քննում են հարցումը:
ԱՄՆ դեսպան Ռիչարդ Գրենելն ասել է, որ ԱՄՆ-ն երախտապարտ է Գերմանիայի կառավարությանը «գործելու անհրաժեշտության ընդունման համար»: Ողջ Եվրոպայով Իրանի կատաղի գործունեությունը մեծացնում է մեր անհանգստությունը»: